每樣野都應該創新,一浪接一浪,特別係食野呢個潮流,
曾經,食板前板長自家烏冬是潮流時尚的玩意,是潮人必做的動作,
唔知係咪太耐冇去奧海城的關係,這天突然想起你,
本身好想食日本野的我真係黑到震,
兩個人的午飯,最容易想食啲乜,一冰一火一冷一熱的選擇,
我選的是壽司set,特上壽司御膳,係menu個度好精美,
餐前來杯荔枝梳打水醒神下,把我從星期日的懶洋洋身軀喚醒過來。
沙律和前菜通常都是冰冷又求其的,但這裡的做得不錯。
海鮮蒸蛋,那個內容是非常豐富的,好多海鮮係入面,
麵豉湯,不是死鹹的麵豉油,但也給你一個唔錯的感覺。
特上壽司御膳有十種壽司到,老土講句,又有海膽拖羅帶子,
海膽,沒有彈的餘地,就是簡單的好,那口甘甜忍不住第一口先吃。
帶子,是3L size 的原隻呈現,原隻入口那種鮮妙不可言。
三文魚籽,每粒都是晶瑩又鮮美,味道也一流。
甜蝦也是不錯,雖然唔係勁大隻的甜蝦,但絕對得人歡心。
燒玉子,滿滿的玉子是豐滿得很,厚厚的蛋醬是絕對吸引。
三文魚是一般的質素,只是三文魚從來不是我喜歡的項目。
油甘魚加上黑松露,是絕佳配搭,沒有不好的理由。
卷物就是較為普通,沒什麼特別,那個醬汁十分令人開胃。
拖羅是最後的壓軸嘉賓,本身無得輸的先天條件,
女友點的是生薑蜜,味道都幾濃郁,無論薑和蜜都咁濃厚的味覺,
她選的是串燒set,特上串燒御膳,係menu個度好精美,
冬菇是燒得最好的,juicy之餘唔會乾身,絕對是好味之選。
栗米也是每粒都燒得甘甜又粒粒靚。
大蔥就較濕潤,又香又重口味,值得細味。
雞翼也是非常有水準的,皮脆肉又燒得香,
加上鹽係外圍的燒蝦,絕對是惹味之作。
牛舌,最野性又燒得香氣四溢的,原來肉類都燒得幾好。
牛肉,相對牛舌,佢冇咁出色,但加上黑椒味道送飯一流。
豬肉大蔥,原來夾著肥美的豬腩成件事會更好味。
免治雞肉串好野味,加上胡椒一流。
多春魚較為冇咁肥美,就咁食再送啤酒就完美。
還有漬物加上粒粒靚的白飯,這個是最大的靈魂,
當然這裡不像從前主要食壽司或烏冬,走的路線也較為高上,
變幻原是永恆,如果變幻是向好的方面,又怎會不好呢。
穴 Yaki ANA
大角咀海庭道18號奧海城2期UG50號舖
沒有留言:
發佈留言