去年樂壇的一個最大驚喜,應該係坤哥食好西(以下簡稱坤西) 以黑馬姿態形成橫掃左多個樂壇大獎, 特別係以難攞又神聖嘅叱咤樂壇大獎都坤西哥食哂, 絕對惹起一連話題,當然可能你會話,三月都黎仲講坤西, 會唔會out左少少,當然,呢篇文,同以為風格一樣, 我想講嘅只係遲到嘅比喻。
坤西贏左無線個個乜乜比賽以後,星途不如你所想像的勁, 散到不得了的角色,閒人甲乙丙丁,乜都做過,連蕉都係街扮過, 那個出名應該更加之多,大多人以為佢係演員訓練班多過歌手, 誰知,原來佢識唱歌,等左幾年遲到好過無到,終於被承認。
我們多得坤西哥,因為佢幽默先有呢個笑足一年的潮語, 這裡寫食評用食好西的名詞多得泛濫。
回歸正傳,你睇京林屋的食評,到底佢同坤西有乜關係, 難度佢食完京林屋講嘅?定係坤哥食西以外都喜歡食綠茶甜品。
(傻啦,毒男點會食甜品,偽毒男更加不會食甜品, 佢地應該想食女多一點。)
其實原因我將佢地拉左一起, 原因係佢地都生長係雷聲大雨點小的環境中長大, 坤西夾著那個乜獎之名,用左幾年先紅, 中村藤吉係香港宣傳得紅過女士第一日唔方便嘅日子過左幾個月, 先靜靜來到,無他,我估,係實力令佢行這個策略吧。
當人人討論中村時,京林屋相對少一點人談到。
我吃過京都的中材藤吉,那口抹茶牛奶和那個綠茶烏冬, 是我吃過最令人感動的旅行的其中一件事,因此, 我很開心中村來香港開分店,當然有對比下,我覺得京都的質素, 是高於香港的。
當然,水係問題,天氣也可以係問題,人也是問題,地是問題, 一樣材料一樣的方程式未必一樣,人和事也是一樣, 為什麼有unique呢個字,因為世界每樣都是特有的, 我們不在日本就不在日本。
但我依舊期待,我沒有試過日本的京林屋,不會失望下, 我又怎想京林屋呢。
開業有幾個月了,這個晚上,我來到了,不用萬人空巷的情況, 已經給加分,還記得那天在中村排了一個鐘,未食都覺得攰。
服務很有禮貌,日本式的恭敬,只不過,那杯水是我坐了很久, 我太口喝忍不住問先有,打了點折扣,我在想, 是否原來他不夠愛我,原來我坐後備座,雖然我係遲來了, 但也可以喝杯水吧。
那天晚上,服務中等,但對於俾水你喝,呢個服務也是很奇怪, 好似好難咁,唔講我以為中日關係的不友好程度, 連日資店都拒絕提供東江水。
走的時候,服務員問下覺得怎樣, 可能佢覺得我樣衰衰唔知會不會是神秘客戶,測驗其服務水準, 還是我肥到像米芝蓮人,來幫佢地評分。
我說:唔知點解,一切也不錯, 不過可以一早就俾杯水我會好一點吧。
哈哈,關於食物,我是非常滿意的,我沒有給意見, 可能是我那天晚上太頸喝吧。踏出門口的那一刻, 只是我是滿意其食物,地方,環境的。
二十分鐘前,那兩個麵上場的前,我是真心興奮的, 那個日本味太濃了太重了。
先說甜品,吃完鹹品後才見的甜品是平常的方式,今天我反而先吃。
京林屋抹茶芭菲,說是香港限定,當然要支持香港啦。
那個樣子又是典型的漂亮, 那個杯和雪糕加起來的影子像極個我儀態萬千和玲瓏浮突的女人, 有抹茶葉軟雪糕,白玉丸,相思的終紅豆,忌廉和菠蘿, 士多啤梨係底,全部野加埋一齊,個口感勁多元化又豐富, 雪糕是強勁的抹茶味,我以為我吃到了美味的雪糕,但原來在這裡, 遲到真的是關鍵。不過,記得剛剛每樣的甜品都撈起個雪糕食, 感覺更新鮮,特別是芭菲和啫喱。
Maccha jelly with soft ice cream,簡單來說,抹茶啫喱和雪糕, 呢個甜品就如餐蛋麵普通,你要做得好, 一定要料靚方法好才可以做到美味的抹茶啫喱和雪糕。
那抹茶啫喱當然是滑得可以放入口就滑入喉嚨, 唔小心食真係好易會呑錯喉,那股淡淡香是依賴在你的味蕾中, 那種啫喱的滑當然很少在香港的甜品店見到的種類。 你以為剛剛見到的雪糕已經夠好,誰知之後的這個雪糕, 更是滑到無得彈。
雪糕當然是軟又滑,那個柔軟細膩是平常的雪糕少見,水份唔多, 每啖都是實事求事的雪糕,不會欺場,好過剛剛的京林屋抹茶芭菲多 好到。
說完遲到了的雪糕,講番十分鐘後的食物, 我問服務生拿第三杯水前。
男士們最愛的冰火選擇吧,冷和熱,冰和火你喜歡那個感受, 可惜這裡不像中村藤吉般有烏冬可以對比較不同的texture, 烏冬和冷麵的質地各有千秋,但幸好,京林屋較專制, 佢嘅主食只有一樣,正正是抹茶蕎麥麵,一個冷的一個熱的, 看你喜歡那一種。
我喜歡還是熱的抹茶蕎麥麵,那個清清的湯底,喝一口己著迷, 每條蕎麥麵的煙韌係熱湯中呈現的美是溫暖如太陽, 每啖索入去也吸到湯和麵的大型磨擦, 那個動感如那些日本愛情動作片般, 吃完那刻也完看到日本愛情動作片一樣滿足。
還有那些細細粒的菇,加上紫茶絲,配上抹茶蕎麥麵,不得了, 最後連大部的湯都喝完,可能係我冇水喝吧, 所以我不斷叫佢地攞水俾我喝,但湯是好喝的。
凍的抹茶蕎麥麵,就簡單一點,那條條煙韌感更加不同, 沒有了熱湯的配合,但冷冷冰冰的感覺令麵更清新, 而蘿蔔蓉和剛剛有過的蘑菇和紫菜, 那個感覺和熱的抹茶蕎麥麵有不同。
蘿蔔和wasabi和豉油,是凍吃冷蕎麥麵必選吧。
如果我選,我唔識,因為兩個都喜歡。
大約每個吃綠茶的地方都一定會有抺茶牛奶這個彷彿是入門, 這裡的滑滑牛奶,抹茶味勁濃,是我在香港飲過最好的。
歡迎你加入這個綠茶行列,自via tokyo,中材藤吉,御前上茶後, 又一間有名的在香港為抹茶控開一個新天地,雖然你如像坤西哥一樣 太遲來,但係你的表現絕對不錯,只要你可以多給我一杯水。
坤西哥喊到淚水的蒸氣蓋過了整付眼鏡, 我想佢都要喝杯水冷靜下啦,你同佢咁好朋友,你唔會唔明嘅。
京林屋 Kyo Hayashiya
銅鑼灣軒尼詩道500號希慎廣場6樓603-604號舖
沒有留言:
發佈留言