我應該第一次寫一篇屬於深夜的食評, 從未試過記錄一餐咁夜的宵夜。
零晨三點,嚴格黎講,都應該唔係三更半夜,應該係清晨, 係安達中心唱完K, 幾個爛玩到不行的人唱飲左兩支威士忌都唔係好夠, 然後有人說要去吃宵夜。
在尖沙咀,又零晨三點幾鐘要食宵夜的地方唔多, 之後有人提議係尖沙咀附近的新天地。
之前已經吃過一次,那次和朋友睇完電影節食,六點幾鐘的晚上, 滿足的一餐,然而那個感覺卻不是那應有的感覺。
大約是什麼感覺呢?就像在家吃的飯的味道和出街吃都不一樣, 喝著湯是溫暖的味道,完全不像外間所說的什麼酒後勝地。
今晚終於有機會,帶著四分的醉意來到這裡,新天地。
以為零晨三點冇人,唔好意思,裝修後我新天地成間鋪頭都係人, 有一班男男女女飲完酒的人,有一些唔知係唔係開完房的情侶, 有幾個男人應該去完風月場所後做賽後檢討……
我們仨個以為要等位,點知係學校隔離一條後巷原來有位可以坐, 於是我地就係呢個咁漆黑的後卷吃零晨三點的宵夜。
雞腳湯是必點吧,上次喝到的是家庭味道,今晚在醉意下, 飲到的是另一種風味。
足料就是不爭的事實,雞腳又多又大大隻之餘, 那個湯和腳的骨膠原滿佈湯的每一部分,還有煲得很淋的冬菇, 還有那個暖暖又強勁的胡椒味,係酒意正濃的時候, 一碗辣辣的胡椒雞腳湯就正好驅去那些入骨入血的酒氣, 還有今天乍暖還寒的冰冷感。
這碗湯,慰藉多少醉而不快的心,你都知, 通常飲醉有九成都是不快的吧。
這裡的煎餃子絕對是簡單的美味,表面煎得極脆, 饀料豐富但又包得小巧玲瓏, 一啖一隻再送一口湯簡直是不能停的美味,可惜, 帶著酒意的我忘記了這裡御用的老干媽辣椒醬,如果唔係, 個餃子應該會更加好食,那胡椒湯併老干媽的辣, 陪多少人走過心碎飲醉的夜。
我記得朋友上次和我吃過炒蜆,今晚又見到枱枱都叫, 我當然suggest 再叫一碟,相對之下,炒蜆較為普通,雖然每粒炒蜆都大大粒, 個汁都好引人不勝的惹味,但可能雞湯和煎餃子都是太過好的關係, 吃完餃子和雞湯後炒蜆就不太吃得落.....
隨著時間過去,人群也漸散去,我們也吃得滿足, 最重要是酒氣也像人龍般離開。
雖然時間還是三更半夜,如果還有多一支威士忌, 我想我們還可以繼續吧,大約這裡的胡椒湯真係有其用處,相信我, 零晨來的感覺和晚飯時間來非常大不同,找天零晨過來吧。
PS漆黑後巷和帶醉的相真係麻麻,請見諒。
新天地美食
尖沙咀金巴利道85號地下
沒有留言:
發佈留言