樹熊の食桌: 如墮星圖之中

2016年2月1日星期一

如墮星圖之中

年代不同，世事也變得很不同，什麼也好像變得不同。

大概你住過沙田就會明白的。應該是近十年的時間，沙田都已經不同了幾多，你有看過月巴氏的文章都知道，從前的沙田是多麼簡單，有那些租碟鋪，文具店，買日用品的商店，就算是大家樂都這樣的連鎖店，那個時候都沒有這些商業味。

當然，如果你現在行沙田中心或沙田好運中心，你都會發現到一思舊香港的氣息，聞到舊香港的味道，不過，反過來說，在沙田地鐵站隔離的沙田新城市廣場，回頭已是百年身，都不知那個樣子都轉了幾多個年代了。

從前的時代，商場都會是簡單一點，好行一點，從前你會見到的是簡單的地方，找一間店你唔會覺得很難，但有時候，係好似沙田新城市呢啲咁大嘅地方，你找個地方都幾難。

沙田新城市廣場，我最記得係Zara同Citysuper ，好多食肆如果你講位置係邊，你真係唔知，上次去大家樂攞火雞就係完全迷失，冇職員又只有一兩個電腦牌，其實真係好難搵，今次約左係呢間- Gochiso，知道係邊層，但位置都幾入幾難找，幸好餐廳有指示，不用迷失和如墮星圖之中，畢竟呢度食肆真係多如凡星。

佢係一間地中海crossover 日本菜，看過相片大致都係精美，於是這天就來過下午茶。

終於來到，地方較想像中易找，我喜歡其偏向西式餐廳的裝修，我就是找到了那股歐洲悠然自得的氣息。

Sangria有幾種，有酒冇酒，任你選擇，成人如我們，又點會飲無酒精的Sangria呢，紅酒和一眾水果 strawberry apple kiwi orange lemon，新鮮又醒胃。

我就選了Mojito，Soda 水和薄荷葉加士多啤梨，另一個經典選擇，我覺得好飲過Sangria。

Romanize lecctuce Caesar salad，羅馬生菜凱撒沙律，最重點係在旁邊的麵包糠，蒜蓉味度濃又香脆，喜歡其多而且新鮮的羅馬生菜，你要知道有時候味道可以好不新鮮，但這裡的絕對是像自己整一樣，又fresh又高水份，凱撒沙律和其他配角都合作得很好。

Genoese spaghetti ，當朋友問我叫乜樣意粉的時候，我看到了這個意粉推薦，羅勒醬海老牛油果意粉，樣子精美，唔知點解，對綠色的意粉好有興趣，羅勒醬沾滿每條彈性十足的意粉中，牛油果的間場令意粉係羅勒醬的主軸下突出清新感，蝦肉當然是爽口得很，怪不得是推薦之一。

Steamed clam and mussel with white wine 好少呢兩個主角會放在一起，我覺得都幾新奇，因為兩個煮熟的時間都不盡相同，應該味道會有別，果然，白酒蒸蜆肉青口，各施各的法，大隻的青口反而唔大酒味，而蒸蜆就較為小巧而又注入強烈酒味，我會喜歡蜆肉多一點。

然後呢個咁正嘅湯底完全不會浪費，因為可以加錢然後做個risortto，意大利飯非常氣憤憤，連綿的飯每粒都充滿那白酒和蜆肉青口的味道。

Quattro formaggi with honey係以四種不同芝士來做的一個薄餅，係歐洲非常普遍，用上Parmesan cheese，Gorgonzola cheese , mozzarella cheese同cream cheese四種都幾普遍食到的芝士混合，四種芝士焗到如黃金般的賣相，薄薄的pizza叫了很容易便可以KO了整個薄餅。