以前喜歡吃永年,貪那口辣的快感,我對自己說,最重要係個湯頭。
但吃得越多,越知道車仔麵的藝術,在於湯頭外,還有那些餸, 有時你吃過好差的車仔餸你就會知道,佢都可以好難食。
之前吃完阿桂,朋友說隔離的來多碗車仔麵都是觀塘的名店。
來多碗車仔麵原來是觀塘老字號金僑小食原班人馬。金僑小食, 之前聽過佢個辣醬同魷魚都好得。
一麵後你喜歡叫幾多個都得,二個餸24三個餸30四個餸36, 價錢都是八蚊一個,好多種唔同嘅餸都有,你喜歡怎配都可以。
我未試過叫八個餸,同阿姐講下講下,呢樣好,個樣好,樣樣都好, 最後我叫了八個餸,我從來未試過咁癲食咁多個餸,不過, 人生中總有幾次要瘋癲一下,八蚊個餸唔係好貴,食就食啦。
選了粗麵,吸辣味吸湯頭一流。
這裡的辣好惹味,我同阿姐講為左呢講呢朝聖, 佢好似唔駛錢咁俾一Pat我,令全碗麵更為好味。
豬皮爽朗得很,沾上了湯頭的味道,賣相好靚之餘,都幾好吃。
豬紅是實實在在的濃濃烈烈在你口中輸送豬紅味道, 沒有那些cheap豬紅又鬆又散。
雞翼尖不是我好的食物, 但係經歷了那個經典的辣醬洗禮後的雞翼尖更加惹火, 雖然沒有B仔咁好食,但也是不錯的。
魷魚聽說是這裡的主角,我是為左呢個入黎食嘅, 而佢比雞翼尖更吸辣味,有咬口又夠惹味, 這個好食到絕對可以自己叫一碟黎食。
蘿蔔,冬菇當然是車仔麵的主角, 浸得淋淋的蘿蔔,冬菇和個湯大家相互依存關係,又點可以唔食呢。
豆卜吸味吸到不得了,而且豆味濃郁又煙韌,又好咬口, 外間有些豆卜好多油份,呢度卻完全無好油的感覺。
還有的當是豬大腸,唔係太肥的豬大腸絕對是呢餐車仔麵的靈魂, 喜歡吃的又係必食之作。
鳳爪就覺得相對弱左少少,還是魷魚蘿蔔豬大腸豬皮等的好吃一點。
最後,食左咁辣嘅野當然要來杯凍檸茶,茶味都唔錯。
食左咁多餸的車仔麵,勁滿足勁開心,要吃辣的車仔麵不用到永年, 東面的九龍也有啊。
來多碗車仔麵
觀塘康寧道62號地下
沒有留言:
發佈留言