2016年9月14日星期三

27小時- 第二章

當我在外邊排隊之際,我叫幾位朋友去到這個另一旅遊熱點。

如果對澳門有一點認識,你都知道吃完瑪嘉烈蛋撻後面另一出名的選擇。

就在那條小街後的那間陳光記,那間以燒臘為主的米芝蓮美食推薦的小店。

入到去,那個差劣的環境的確有少少倒胃口的,周地都是鵝骨,牙籤,用過的紙巾,說真,我來咁多次都冇試過咁污穢不堪,幸好朋友們都沒有所謂,一行七人坐下那張圓枱剛剛好,說真,環境不是舒適,也有點迫,但為左食好野,無辦法。

來到後,當你點菜的時候想叫一隻燒鵝時,阿姐好似好驚咁,你叫燒味佢會一路叫你去門口,叫你問師傅有冇燒鵝俾你,好似佢好有難言之隱咁。

然後去到門口那斬燒味的地方,那個哥哥問左幾次,諗可唔可以俾一隻我諗到仲辛苦過愛因斯坦在蘋果樹下諗相對論,最後俾左兩份例牌俾我。

上枱一刻,其實兩份的例,剛剛好大約半隻左右,我們還有兩餐之後要吃,半隻在量控來說,也不錯。



說真,來到的燒鵝麻麻地,黑椒汁和那些酸酸的梅子在燒鵝面,不過燒鵝的面卻沒有了從前我見得到的光凙,較為暗淡無光。

吃下去的一刻,燒鵝皮依舊脆得漂亮,那個調得剛好的醬汁和黑椒味是那麼的入味,味覺上是沒有退步的。

只不過呢隻燒鵝肥膏十分強勁,脂肪比例高,肉不多,這是唯一敗筆,味道來說,問題不大,如果燒鵝的狀態好得多,肥大肉厚又冇肥膏位,那麼會更令人喜歡。

那個時候,五點多,當我們差不多吃完的時候,已經傳來沒有燒鵝的惡號,怪不得,佢要諗咁耐先俾我。

如果你有心食,真係唔好咁遲,唔係就只有吃黑椒鴨。

鴨肉唔係唔好,只不過味道冇咁濃,配上黑椒味冇咁配合。

吃得燒鵝一定要吃瀨粉,那個瀨粉配上那個黑椒梅子汁,起可以吃兩三碗小碗的細粉,如果冇左佢,整體感覺差少少。

這裡不能錯過的還有鴨紅,可惜有一半人不吃這個,鴨紅在香港少見,那個質地柔軟如肌膚,滑得來又不會太濃味,平時吃豬紅是強烈味覺,你知道有時候劣質的豬紅是可以好難吃的,但這裡連不吃豬紅的C小姐都覺得不錯。



另外點的菜,沒有什麼特別,只不過本身叫豬紅菜時阿姐叫我分開上,可惜分開後的那個菜冇味冇道,我相信,開些茶沾上湯和鴨紅的味道,會惹火得多,會好吃得多。

本來想試吃叉燒,聽說叉燒的魅力也是非凡的,只不過,還有兩餐晚餐如查克般靠近,還是待下次罷。

吃了幾次味道還是一流的,不過地方的整潔度還是要改善一下,太污穢都會叫人有點倒胃口的。




陳光記飯店 
南灣羅保博士街19號

沒有留言:

發佈留言