來和我用日本雞蛋做出幾道美味的日本料理

1.從來，對雞蛋都非常熱愛，我想都冇乜人會唔意食蛋，除非你係對雞蛋有敏感。

2.我自己好喜歡食泰國同美國蛋，偏愛那蛋黃的甜和蛋白的彈性，日本蛋當然喜歡，要吃溫泉蛋似乎是日本蛋最安全，

3.十一月你頭一個周末，來到了這個日本雞蛋工作坊，了解到日本對雞蛋的瘋狂，單單是雞蛋的菜式你說得出都有十多種，而且還有不同的雞蛋節日，增廣見聞。

4.不過最重要的重頭戲，係料理達人Kei San，他一口氣教我們煮了幾度拿手好戲，有溫泉蛋飯，日本冰蛋飯，日本蛋卡邦尼烏冬，鴛鴦玉子蛋卷。你可能覺得好簡單，但全部都有竅門同埋可以俾唔識煮飯嘅朋友仔做到煮食達人嘅效果。

5.首先係溫泉蛋飯，呢個真係易到爆，煮好熱嘅飯，鋪上熱辣辣嘅飯面上，最好當然用日本米，我最推薦係新潟米，配合得完美，然後加點日本豉油便成功，各位唔識煮飯嘅朋友，絕對係一技旁身，整出來效果都幾專業。

6.日本冰蛋飯都非常簡單。首先準備一隻冰蛋，將蛋打出來後拿走蛋白取出蛋黃，將蛋放進冰箱雪成冰雪黃備用。以三到四隻的日本雞蛋，抽出其蛋白然後高速以打蛋器打到呈忌廉狀。然後以魚膠粉，豉油，繼續打到好似剛才蛋白般的忌廉狀，將蛋白鋪上新潟米的飯上，再鋪上那個魚膠豉油的dressing，加上最初的冰蛋黃，最後加少少昆布碎添加那日本風味，就係咁簡單，好食而樣子專業。

7.然後是日本蛋卡邦尼烏冬，當日我都有自己示範一次，非常易明，以蒜頭芝士煙肉爆香鑊面，然後用上以冬菇浸上半個小時的水倒進鑊裡，再加上烏冬，然後用上三隻生雞蛋加上芝士粉和昆布做成醬汁，熄火，用上那個鑊的餘溫不停將意粉打圈，吸收熱力，然後待那個醬汁收火，咁就煮好啦。

8.鴛鴦玉子蛋卷，由於時間關係Kei San準備好示範俾我地睇，冇時間學整，不過方法都唔難，大家可以睇下個食譜，我食過，個味道同外面食日本料理的味道一模一樣。

9.大家注意，如果你想跟我地一齊煮，記得要用日本雞蛋，食得生溫泉蛋當然想放心，就算我幾鐘意泰國美國都用不了來做溫泉蛋，係用日本蛋先可以造到呢個效果。

10.我自己即場食左自已煮個意粉，個意粉的確好好食，冇用忌廉冇用牛奶都可以造到好滑好香好濃郁的正宗卡邦尼意粉，真心方便，而且那個蛋黃香由於用上日本雞蛋，特別好，真心推薦用呢個方法試下。