如果你有睇我另一篇文<燈光下的對答>,你就知道, 去辦館睇場試一下食啲野飲杯野前,E和Y有一段小小的插曲。
經過了銅鑼灣的Y看到很多朋友試過的世界第二好味雪糕蜜瓜麵包, Y提議不如試下。
當然E從來不排隊,不過又不太趕時間,於是,E竟然也肯排。
十個人係前面,十分鐘到排完。
也算快,不過Y想不明白,其實咁多麵包已經焗好, 將雪糕放落去又不是好耐,等咁耐係乜玩法。
我又真係唔太明白,難過諗點解特朗普做到美國總統。
看附近的人即買即食,Y也不明白,點解要用飲管食雪糕。
蜜瓜包冇得選擇,雪糕有,朱古力,綠茶,雪尼拿,任你選擇, 我選擇的綠茶,全因其謀殺菲林的功力,強得多。
攞上手的一刻,個包真係勁熱,好熱,超熱。
而雪糕流到隻手的時候,那又冷又熱,就如男人欲仙欲死的冰火, 我意思係如在夏天熱到嘔的時候,入商場感受到冷氣的情況, 不是你想的壞東西。
蜜瓜包真係幾好食,好鬆軟,我吃完突然想到那個上野的菠蘿包。
包著經典味道,不太甜又不算茶香濃度高的綠茶雪糕,你可以話好, 可以話唔好,看你對甜品的定位。
如果你覺得杜如風推薦的定必好的狂迷,我想你會很喜歡吧。
我會覺得佢剩係有個蜜瓜包買的話,我會更支持, 個包應該不會過廿蚊,而雪糕可以很貴,你看那些via tokyo就知,始終我覺得雪糕冇乜特別。
E問:好唔好食。
Y:可以啦。
E: 咁普通,點解都排。
Y:因為佢第二好食掛。
然後E冷笑一下。
這裡的名字,值得你搞個爛gap。
如果你說再試其他味,我會有興趣的,十分鐘以內或唔駛排, 都可以吃吧,畢竟,佢個形式真係冇需要排咁耐, 我聽有朋友說之前排到去總統樓下間萬寧。
都幾恐佈,有時候,甜品的魔力,無法解釋和明白,就如點解佢叫第二好味,也不知如何解釋。
那第一好味怎麼辦。
世界第2好味雪糕蜜瓜麵包
銅鑼灣景隆街15-27號地下1A號舖
沒有留言:
發佈留言