優步請客

優步這個不是什麼新鮮事，香港用的人多的是，自從Uber eat 正式在香港出了以後，在香港曾經瘋狂了一時，在中西灣仔區，多得朋友P小姐一篇非常精彩的說明書，配合那個幾百蚊的promotion，差不多個個都認識這個uber eat，如果那刻food panda 有上市，大約個股價可以跌至少五個巴仙。

當然，我不是後知後覺，只是港島東很後期才出現呢個服務，於是想寫下呢個咁精彩嘅服務都無用，太遲才執口水尾，是冇乜意思的事，於是關係寫下uber eat的想法，都是和同事分享罷了。

不過，有時佢嘅promotion真係好吸引，如果餐廳配合，佢地可以平得好離譜，分分鐘你午餐平唔少，慳唔少，分分鐘儲到錢買那個128尺實用面積，被稱為皇帝都係訓一張床的新式劏房，你要買樓仲唔快啲call UberEat。

今天要精明吃午飯，全因同事又高叫uber eat有五十蚊優惠，於是，立刻打開看看有什麼好叫。

從前，在太古城係唔會有車仔麵出現，這些高檔次的地客就是缺乏了這些地道食物，以前你想食可以去乘的士到西灣河，現在，我們都不用了，因為有UberEat。

叫了uberEat勁hit的超級無敵車仔麵，四餸麵都只是三十多，連送貨費，我這個午餐，只是$7。

那根本就是請客，不是嗎？你在七仔，一支道地有時都買不到。

說回那個車仔麵，四個餸都是三十多元，連那個uber送貨費用也只是五十多，加Uber discount ，好平，真係好平。

我要了清湯粗麵，勁大碗，份量十足，麵好彈牙，還有分湯，都只是一蚊。

車仔餸最好吃是那個腐竹，配合了點點的沙爹汁，非常吸引。

龍蝦丸也做得不錯，彈牙又夠吸汁。

魚皮餃不知是不是自家製，但味道濃郁，餃皮不厚而魚味勁濃。

最後的咖哩魚蛋，咖哩味辣又惹火，是種令人有點麻麻的感覺，後悔沒有叫咖哩，因為似乎比沙爹更出色。

說真，如果三十多元正價，這個車仔麵在太古城這個貴到不行的地方，有佢嘅價值。

第二日，優步又有新優惠，今日又係有五十蚊優惠。

於是再下一城，叫完全唔同嘅新野。

今日，我覺得想吃點菜，叫了個雙拼，生菜加韮菜，份量又係重量級，吃極都有。

第二天當然吃咖哩，再送個河粉，河粉較為散，不過還可以接受，沾上咖哩汁也不錯。

午餐肉，非常普通，我覺得有選擇可以不叫，薄得如紙般，不叫也罷。

黃金片頭是推薦，吃得爽口，片頭的邊炸得金黃而脆。

那個手打牛丸又係推薦，不一定是有名的餐廳才有好吃的牛丸。

冬菇非常吸湯，咬下去，好滿足。

兩次的感覺都非常好，最重要係麵同餸質量都好好，可能優步請客的感覺特別好，但係，我覺得就算冇優惠黎講都好抵食，係ubereat個list仲未算好大嘅情況下，呢個絕對值得支持。

超級無敵車仔麵 

西灣河西灣河街116號地下