平衡點

在數學中，平衡點是相對微分方程或差分方程的概念，在現實中，平衡點就係係每事每物中，找一個人人都舒適，點點都滿意的點。

工作要work life balance，家人朋友情人要時間平衡分配，最簡單連飲食都要均衡，正等如先泰文學的智慧，凡事都有智慧，簡單。

一班朋友食飯，從來都是學問，邊區，食乜，格調，價錢，缺一不可，最好的餐廳，就是每點都兼備，而又不失禮，要一個最好的飲食平衡點，有時可以煩你幾十日都想不到一個好選擇。

翠亨村應該就是平衡點的最佳示範，地點絕佳，餐廳又舒適，價錢平，你完全無可以投訴的點。

今晚來這裡吃飯，全因朋友說只在銅鑼灣店推出了多種不同的順德菜，朋友當中有一個是順德菜die hard粉絲，說要找個機會試試，當然說好。

試兩個湯應該只是在皇仁會試的經驗，但原來翠亨村同樣做到，因為今晚我們都不能選擇，最後，兩樣都叫左，鮮奶花膠燉烏雞$328，也是傳統懷舊菜，鮮奶的滑貫穿整個湯，花膠又係補到不行的滑溜，加上美味鮮甜的燉烏雞，出來的後果當然是你想像不了咁好。

順德拆魚雲羹是我來的最終目的，有朋友試過都話一定要食，將魚頭魚肉拆開加入蛋花，木耳, 蔥絲, 芫茜，最重要係芫茜，木耳, 蔥絲三種溶化為同一個綿綿的綺麗，那我最愛的芫茜清香，就是順德唯獨你一個是不可給取替的鄕味。

魚鰾從來都不是大眾喜歡的東西，要係愛魚之人才會喜歡的，你知道街市佬最識食，佢地最喜歡就係呢個魚鰾，這個瓦罉焗魚鰾就絕對是他們的囊中物。

百多的價錢，有七八件魚鰾，加上薑蔥西芹等調味的東西爆兩爆，那魚鰾的咬口和鮮味，令我想起剛剛的花膠。

銅盆錫紙焗走地雞也是一個不錯的選擇，只不過可能在不同的地方都食個好多唔同特色嘅雞，而相對呢到嘅雞冇我想像中出色，又或者係之前的魚鰾魚雲羹太出色，順德菜就是魚才是做得出色吧。

然後朋友S說，佢地不是雞最出名嗎?大陸叫雞，有邊度能勁過佢。我斜視下佢，佢笑淫淫一下。我好相信佢唔係講呢樣，完全不關順德的走地雞事。

完全係順德菜的另一表表者係古法彭公鵝，之前曾經係順德吃過一次不錯的，那個古法的醬汁絕對是一百分，撈飯一流，這個是我吃的更優勝，做得更好的。

鳳城龍吐珠，每人一粒鯪魚剛剛好，鯪魚球的爽而甜，連上那魚腩來吃，雙重享受，女友和媽媽來，應該會很滿意，因為他們都是愛魚之人。

吃左咁多魚同肉，來個清清地嘅籠仔梅菜皇蒸芥蘭$138，梅菜的甜美用來送飯最好，芥蘭同樣是新鮮如剛剛出生的BB女一樣的滑。

最後的蛋香煎倫敦糕是驚喜之作，估不到原來簡單的方式做出來的甜品，可以咁好食，蛋的香滿佈整件蛋糕，坦白說，之前未聽過這個甜品，今晚讓我大開眼界並知道順德菜原來有這個甜品。

吃到這刻，飽到上心口。

L小姐在我們吃完後，說為什麼沒有叫叉燒，這裡的叉燒她覺得是城中最好的。

其實這個問題一開始我想問，不過大腦不想去思考，有好東西吃就無所謂，雖然我未吃過翠亨村的叉燒。

今晚如果可以吃多一口叉燒，那麼這個平衡點應該是完美的了。

翠亨邨 

銅鑼灣波斯富街99號利舞臺廣場22樓