如果你有看開openrice的食評,風格多, 有人求其寫八十字,有人寫千字論文,不知你喜歡這風格與否, 我有時都她求其,有時都寫好多無聊垃圾, 不過今日我沒有那些愛情故事,沒有華麗的文心雕龍, 沒有精緻的文字手法,只想純推薦這裡的自助餐。
呢排食左三次自助餐,全部都係食過再翻兜,全部都好有質素, 而今次點解冇咁多無聊野寫,因為我喜歡這裡的十個優點, 全部都講重點算,香港人,時間最緊要,最討厭浪費時間, 一起去吃吃呢度有乜咁好嘅特色。
這裡是朗延酒店的特色,一起來看看有乜特別,等你過來food gallery 的時候睇準呢十個點就去。
1.海鮮
海鮮依舊是這裡的重頭戲,C先生告訴我這裡重點是蟹, 雖然我個人來說,怕又懶食蟹,但這裡的蟹又真係幾正幾好, 那些麵包蟹源源不絕的蟹膏,蟹痴一定會愛上。
還有那些勁豐富的龍蝦肉,波士頓來的當然不能錯過, 仲有那些龍蝦鉗,你剩係食呢個飽都願。
其他的翡翠螺,蝦,青口,長腳蟹都非常好,只是海鮮叫了吃得飽。
2.蒸魚
你會可能奇怪蒸魚有乜咁特別,當了發現人人叫, 叫完後有半條肥到不行的烏頭用上精美的豉油來蒸到叫人垂涎欲滴後 ,你絕不能自拔吃一條又一條,平時蒸魚你行幾轉先有, 呢度你專享一條,你話點會唔正。
3.生蠔
兩種生蠔,一種來自紐西蘭的清新感覺, 純粹是清新的蠔和海水的清甜,另外係美國大大隻又creamy 又勁鮮甜,我吃了半打就已經覺到真心平,特別是勁肥美的美國蠔, 六隻都已經叫你滿足。
4.鴨肝
剛剛前篇才說過鵝肝同生蠔好像誓不兩立, 但我忘記了這裡的自助餐竟然可兩樣都有,不過這裡的是鴨肝, 如果你好此道,又係一個回本位大吃得吃,食個天昏地暗。
5.燒味
聽說Cordis的燒味是來自明閣,我見呢度燒味個樣都唔錯, 就諗會不會係唐閣呢,雖然我未試過佢嘅燒味, 但吃下去證實了沒有三星的氣魄和味道,但幾種燒味都做得平均, 來到不可以錯過。
6.甜品
這不是我的專長,不過我發現這裡甜品雖然不是太過多選擇, 但我求其選了幾件蛋糕和朱古力的甜品也非常不錯, 仲有我最喜愛的葡撻,這裡的甜品值得專攻,而且位置非常集中, 女士行一兩轉就可以慢慢食。
7.湯品
燩湯都係這裡的名品,大家都知我做銀行, 呢度嘅湯品好飲到曾經有個女士特地來吃自助餐就是為了那碗燩湯, 幾百蚊一口的燩湯你以為係幻海奇情,對不起,係真人真事, 你何想而知那個湯絕對不是足料咁簡單, 而你來到這裡飲幾碗都已經回本。
8.刺身壽司
不用說,種類之多,眼花撩亂,雖然冇海鮮咁搶鏡, 但都有幾種少見的白身魚供應,如果你講究吃刺身, 慢慢在這裡發掘更多。
9.前菜
前菜中最喜歡呢個冰鎮沙律陣,多姿多彩的叫吃素的人花多眼亂, 如果你講究,這裡還有凍肉陣和有多種不同芝士的前菜櫃, 可惜像我瘋狂愛海鮮的人往往冷落了這些東西, 如果你有時間慢慢食,不像我個晚遲大到,六點半食到十點, 前菜可以由頭食到尾。
10.季節熟食
吃第二次的food gallery,上次已經喜歡熟食,今次也有不少佳作, 泰式雞脾,魷魚,炒小唐菜,蟹肉伊麵,炒蟹,燒雜菜,辣酒花螺, 海南雞飯,今次換全新食物,熟食就更吸引,不過, 如果你吃完前面那九點,有位後才吃這最後一個重點吧。
The Food Gallery
尖沙咀北京道8號香港朗廷酒店大堂
沒有留言:
發佈留言