2017年4月9日星期日

只要找到對的人

可能你會話,入到數碼港食壽司,你冇問題嗎?

曾經問過一位朋友,佢都係foodie,問佢有冇興趣,一個肯定的No,我在想,是這foodie 不夠foodie,還是,數碼港真係咁不受歡迎。

我在想,如果一位男士,佢有層樓係貝沙灣,然後想邀請他心儀的女士,上佢屋企坐下,然後可能再去食個壽司,可能感覺會好好多,不過我沒有貝沙灣,所以,當然是吃閉門羹,如果我係大劉個仔,問題就不大,哈哈,幸好,我不用怕這個問題,叫女友叫朋友叫家人應該點都找到人。

不過,如果你識個個不是港女,肯和你去咁遠食飯,就要珍惜,這裡配套不錯,飯前飯後有個大花園,餐廳地方不錯,又有戲票特平的戲院,overall package 係幾好,只要找到對的人分享這個味道。

呑拿魚他他這個入場門票是少有的 welcome appetizer ,以鵪𪂹蛋,魚籽和濃濃如熱情的呑拿魚他他,非常好的見面禮。



魷魚刺身新鮮到容易吃到哽咽,加上柚子粉的清新我會想起泰式lemongrass的那種welcome drink ,那個爽和清新是無敵的。



珍蠔的澎湃和強烈你吃過就知道,沾上酸酸的檸檬汁感覺一流,珍蠔的滑溜和那個肥胖壯大非常霸氣。



接下來一盤的池魚加點岩鹽,當然是永恆的亮麗和鮮味為上。



鰤魚是切得厚身,入口算幾濃同口感強烈,沒有任何配料下保持水準,只不過驚喜度欠奉。



老實講牡丹蝦外表係幾衰,係前幾個咁presentable 的菜式都幾好呢個幾反高潮,不過幸好味道加上獨到的醬汁和外表完全不同。


拖羅當然是不能錯過的美味,但不是入口無痕那種,有少少的根餘下,口感是肥美鮮嫩,雖然不是最上等那種,但還是可接受的。

不是坐壽司枱的關係,一次過把五件都來了,當然由淡到濃來吃。


青柳像赤貝一樣,看樣子都知係兄弟班,當然沒有赤貝咁好食,但口感特別

甜蝦是正常的貨色,加上蝦膏,是絕對配襯的感覺,又係唔會令你失望的最佳拍擋。


右口魚裙邊加上魚肝,三條的芽蔥溝一下味,那肥美的油份和油脂香同魚肝的勁爆烈濃味相結合,是不錯的表現。


鯖魚是熱烈的鮮味,由白身淡味到濃烈的過渡,絕對是容易令人愛上的種類,就如人見人愛的可愛女孩。


加拿大海膽是季尾吧,但還是保留強勁的濃味,放入口的滿足不下於在其他店吃什麼海膽杯和生雲丹,那種簡單直接,不得了。



鹽燒鰤魚證明了這裡的煮工一流,剛剛好燒到不會過火,肉嫩又入味,值得專程來一下他們的煮物。


大蝦煮物承接了呢到傳統,好似整親蝦都係好醜,在醜小鴨的背後,有海膽有蝦有冬菇有露筍,味道係不錯,只不過那個外表太奇怪,太約師傅需要美指指導一下。



清湯煮大蜆那隻大蜆大到嚇死人,清湯沒有像外面的店死要用酒來調味,只需要加點清過曹生的湯就顯得出那大蜆的新鮮和高貴。



最後雪糕做甜品,總結了今天的行程,說真,味道平均是不錯的,錯的是地方可能太遠,不過如果你找到對的人願意和你來這麼遠的地方,專登來吃一下,前後時間行下草地看日落,不也是很浪漫嗎 ?





奧壽司 
薄扶林數碼港100號數碼港商場307號舖

沒有留言:

發佈留言