偉睛三寶 - 地道港式火鍋

從來都未寫過拍板小館，但拍板小館絕對我是口袋裏十間最佳的餐廳。

因為拍板小館，令我認識了偉睛街，喜歡到係呢邊睇樓，想住係呢條街，全因一條街好多野食，又近百老滙電影中心。

是晚來到其中一間地道火鍋店，非常港式，近似是方榮記的架子，門口有代客泊車，充滿江湖風味，這種地道的味道是令人最喜歡的。

這是呢條間唯一一間火鍋店，名字叫淘園火鍋。

說得是港式火鍋， 這裡有多種不同的特別鍋底，又龍蝦又冬瓜又雞煲，你講得出香港風味都有，不過，是晚，只能坐坐，無論食咁靚嘅煲，食番沙爹最好。

不知什麼時候，打邊爐最流行食頸脊，這裡的皇牌手切頸脊，質素一看就知，小的來說也不失霸氣，件件都是精品，肉質煮兩下十幾秒就已經吃得，配沙爹一流。

最喜歡和特別的是沙爹鍋裡竟然有lemongrass。

蝦滑拼墨魚滑絕對一流，兩個都係樸實無華，全自家製，用最好的質素來做，蝦滑彈牙，墨魚味道濃郁，全部都結實如那些運動選手的肌肉般，呢到嘅自家手打值得吃。

稻庭烏冬當然是沙爹湯底的好拍擋，煙韌又吸沙爹味，配兩係牛頸脊，簡單一餐，兩個人打邊爐，最好係咁樣叫。

較失色的是鮮枝竹，味道有點奇怪而且像雪藏了很久的樣子，價錢又不太特別，這個是失望得很，我想要換換來貨。

西洋菜又平又大份，當然不能錯過叫番少少菜來均衡飲食，做過健康小孩。

看到其他人叫的刺身外表都好靚好新鮮，而且其實呢到火鍋料都好平好抵食，只可惜兩個人來，吃不了多少，找個機會多啲人，再吃一轉這來自偉睛街的港式風味。

淘園火鍋館 

佐敦偉晴街46-52號聯美中心地下