全城吃外賣已經完全唔係一件新鮮嘅事，大家都希望可以係亂世時候係屋企公司懂得吃，捨得穿，不會亂，酒店餐廳外賣基本上已經係熱潮。
好多酒店都有自己嘅外賣plan出左街，試過兩間都非常不錯，今次就試就近公司嘅城市花園酒店。
係朋友架架麵個page見到個menu，最驚喜嘅係基本上一張外賣單就已經可以吃盡酒店三間餐廳嘅嘢食，當中還包括米芝蓮餐廳粤，仲可以食到沙嗲軒同自助餐餐廳綠茵閣嘅美食。
外賣美食只要$1000以上仲會送$100餐飲優惠券，係北角區黎講，絕對不錯，有時午飯都已經要$70-80一位，加多少少就已經有酒店出品，仲有有米芝蓮加持，點計都抵食。
1.粤
Set A來自粤，當中包括點心，主食和菜。
先講瑤柱蛋白炒飯，成個炒飯都炒得好夠火喉，瑤柱和蝦多到可以鋪滿左個飯，粒粒分明，好好食。
最喜歡佢個蒜蓉炒雜菜蒜蓉味道超強，咁多種菜中特別喜歡西蘭花，最夾個蒜蓉。
點心就當然係最推介嘅東西，奶黃菠蘿包，做得非常精美，不過實在唔捨得一啖食完，不過講明菠蘿包冇菠蘿，食完千祈唔好報警。
龍井茶皇燻雞就絕對精彩，叫人一吃就會愛上，茶香和煙燻的味道做得極致，係屋企或者公司食到呢啲咁味道細緻嘅點心特別高興。
牛肉燒賣和脆皮素鵝當然係好有水準，包保你食完之後會即刻好想再去粤飲茶。
只不過抗疫期間stay home for us，大家俾心機食住外賣先。
2.沙嗲軒
一路好喜歡呢個品牌嘅出品，尖沙咀分店基本上食過兩次，呢間分店就反而好耐之前同朋友去食過一次咁大把，招牌海南雞飯點會唔好，雞肉嫩滑得來又夠味，加上三色醬油，呢個出品只是$110，同坊間那一個最有名超級海南雞飯比較可以食到多一份，我覺得算是不錯。
雞和豬兩個串燒同喺現場食真係冇乜分別，以強而有力嘅班蘭蛋糕作甜品收尾，整個馬來西亞主題食得高興，抗疫也可以吃得講究。
3 綠茵閣
而家人人都唔係太夠膽食自助餐，咁係咪自助餐嘅餐廳全部停擺?當然唔係， Set C就係來自自助餐餐廳綠茵閣，就是適合那些三心兩意嘅人，香煎和牛漢堡扒同洋蔥煙肉忌廉炒意粉，再加我最愛嘅西蘭花，用上牛油杏片嘅味道，更多點層次。
甜品都是班蘭蛋糕，如果你食呢個都可以試到同樣來自沙嗲軒的甜品。
以上呢三個餐嘅話就一定要叫四份以上先至提供，而且套餐還提供餐湯，今日提供龍利葉枇杷葉雪梨湯，滋潤一下，補一補，抗疫期間，最重要。
除了呢個餐之外，還有好多唔同嘅餐可以提供。小朋友仲會有復活節便當，大人細路都喜歡，大家有興趣就入呢條link訂啦。
有效期到4月15日，訂滿$1000仲免費送貨，大家立即行動，係屋企都可以食住美食抗疫啦。
沒有留言:
發佈留言