2020年4月10日星期五

The Green Room: 口罩的距離

星期一食素呢個潮流流行已久,因呢個風氣,有時開始偏向喜歡試下素食。

看到朋友告知有新餐廳可以有共享working Space加餐廳,有幾精緻嘅素食同可循環海鮮,仲可以有無敵海景,好有gimmick,叫我去試下。

在網上看看這間The Green Room,無論食物,環境嘅相都好靚,但下午真係抽唔到時間嚟,於是就約咗一班朋友來吃晚飯。

周中的晚上,來到了,出奇地少人,可能疫情關係定係因為餐廳宣傳未夠?

晚上嘅夜景當然不得了,碰巧仲撞上united we dine,講真如果喺銅鑼灣放工,上嚟食其實都尚算安全。

不過無辦法,因為疫情嘅關係,就算食物未來到都要戴住口罩,無得同朋友係一個咁靚嘅環境,坐低飲杯嘢然後談天說地。


人與人之間的距離似乎就多了一個口罩,就算今晚來到這間餐廳,感覺都不能太盡情。

因為疫情嘅關係的確心情令人糾結,點都好似差d咁。

叫了兩杯cocktail ,飲品來到,口罩也隨之而放下,我們的隔膜才彼此拉近。



除了主打素食外,還推薦各種各樣的可循環環保海鮮,而且仲有個幾靚又開揚嘅酒吧,有不同種類的cocktail mocktail

相信如果個市唔係咁樣,呢度一定好多人。

四個人的晚飯,可以叫多點不同的食物,而且差唔多包場,就算沒有1.5米的距離,也叫人放心。

前菜的Smoked Octopus Ceviche, Passionfruit Leche De Tigre, Corn,  Cancha, Thai Chilli, Coridander ,那種清新很少見,以環保概念海鮮作為主題當然好,仲要好食,點會不受歡迎。


The Green Room Salad有牛油果、紅菜頭、青瓜、蘆筍、洋蔥等等的清新沙律,最重要咁貴價嘅蔬菜都只係$75,平到笑。




我最喜歡的紅菜頭沙律,用上了Beetroot Carpaccio, 和濃味的Goat Cheese,枱上嘅人都覺得好吃,不過我自己就不特別喜歡,始終goat cheese 真係麻麻,我真係唔係太好嗰隻味,基本上搶晒任何野嘅味道。


IMPOSSIBLE meat在尖沙咀Green common 食過一次,果次食漢堡包,今次轉食Bolognese,冇諗過呢啲素肉可以攞來做肉醬意粉,加上芝士也不會好油膩,的確吃下去,味道像真度極高,未試過嘅絕對值得一試。


食完一個意粉覺得這裏的意粉都做得不錯,所以再下一成Spinach Ricotta Ravioli,也是一絕,煎得香,但包含了洶湧嘅蛋黃,煙韌極致,不過小吃怡情,唔係一定會過飽,一件兩份就最滋味。



點了另一個main course Butter Lobster,用上勁多的Homemade Herb來為龍蝦調味,底下的菠菜番茄薯仔全部都好好食,好近活龍蝦個種感覺。


吃得IMPOSSIBLE meat 就當然要吃漢堡才滿足,這個自家的Homemade Bun和我上次吃過的有過之而無不及,不過更加為呢個漢堡添上了一番風味嘅就係呢一個蕃薯片,勁好食,不過太少了,如果有單點蕃薯片,就好了,送啤酒係極致。




另外一個不錯的意粉Spaghetti Aglio Olio 用上煎到好香的Grilled Squid同青口,煎得剛好又不會太鹹,最重要啲意粉非常之好,條條意粉完全沾上了海洋嘅氣息。


最後,我們覺得龍蝦都幾好食,再下一城叫了lobster Tortellini ,漲卜卜的意粉內藏着了大大件的龍蝦肉,而且外面嘅醬汁都有濃烈嘅龍蝦湯味。


今晚朋友食力強,吃埋Carbonata Eel薄餅,以鰻魚做主角的薄餅你應該覺得好少見,估不到又幾不錯,不過你唔好以為佢會用好大條又長嘅鰻魚,只係細細條,不過鰻魚配薄餅又叫你有一番講意想不到嘅效果。


甜品方面,Red Fruits Crème Brulee, Vanilla Custard, Basil Caramelized Apple Flambé,Vanilla Ice Cream 各有各好,當然冇主食咁好,而且甜品選擇較為少。



不過Chocolate Souffle,Blood Orange Ice Cream就特別出色,個人較為鍾意。

一間咁特別嘅餐廳,同埋又有潮流勁興的共享工作空間,喺香港真係唔係好多,值得一去。

期望有一天,不用再帶口罩相見,可以好好享受一下。

The Green Room 
銅鑼灣謝斐道535號Tower535 26樓

沒有留言:

發佈留言