1.近來因為喱騷的關係，好多人都慕名而來去嗰間東歐餐廳。唔知點解因為呢間餐廳，突然間大家好似都好鍾意食呢啲比較小眾嘅菜式，越小眾特別越受歡迎。
2.朋友約食飯都竟然會選擇呢個俄羅斯菜 Table 18，仲要係話有個新嘅探索俄羅斯餐單，相信呢班咁恨飛嘅朋友真係恨飛恨到入腦，連食個飯都要有去旅行嘅感覺。
3.觀塘嘅俄羅斯菜，無論選址同菜式都真係幾特別。
4.食俄羅斯菜點可以冇羅宋湯，同我在莫斯科吃過嘅真係一樣，以大量忌廉調味，而且有牛骨香，紅紅嘅樣子和傳統香港嘅羅宋湯完全不同，同來自上海嘅羅宋湯亦都有分別。
5.要提吓嘅係呢個俄羅斯餡料麵包，有三款唔同口味俾你揀，配個羅宋湯都幾夾，個人最鍾意三文魚。
6.俄羅斯沙律又係地道野，配上魚生嘅沙律係咩玩法？我覺得不錯，特別係雞蛋、紅菜頭、醋漬鯡魚夾雜一起，好得意，好食。
7.俄羅斯班戟係地道嘅食法，夾著三文魚和魚籽和多種不同的配料，其實我係俄羅斯就冇食過呢樣野，相反，原來幾有新鮮感。
8.俄羅斯餃子伴忌廉菠菜，可能你會諗來自俄羅斯嘅餃子有啲咩特別？都係豬肉係入面，不過個味又不錯嘅，個忌廉配個餃子都令人幾開胃。
9.炸雞卷對我來講就最普通，有點油膩。另外牛柳伴薯蓉同燒烤就搶鏡好多，淨係係你面前點火燒烤串已經叫你賞心悅目，牛柳，羊扒和大蝦的質素都做得不錯。牛柳叫你想起舊式港青西餐牛柳絲撈飯，有點懷舊味道。
10.當晚見到好多人食呢個豬手，除咗探索俄羅斯呢個餐之外仲食咗呢個，豬手做得超脆，即刻燒完即刻出爐俾你食，個豬皮令人驚暵。
11.唯獨係呢度嘅飲品大部份都甜左少少，不好甜嘅就要小心啦。
12.如果你未試過俄羅斯菜，就來探索一下吧。
沒有留言:
發佈留言