剛剛收到email Black series Now or never 再度extend多一個星期,到26/4。
如果你對呢間野有興趣,機會又來啦,快啲訂。如果平時點A la Carte,價錢相對冇咁平,不過作為認識Black Series嘅入門餐廳都不錯。
好多朋友都推介呢間印度餐廳,就算本地印度嘅朋友都好喜歡,唯一缺點真係幾貴。
不如就睇吓佢Black series嘅Menu有乜食。
前菜人人有花生。
Samosa chaat招牌咖喱角,個樣非常精美,咖喱薯蓉熱辣辣,加上乳酪,酸豆醬和脆麵,平時你吃得到的咖喱角一定沒有這個細緻。
主菜有兩個選擇,我們選了香烤雞腿同埋加錢升級到西冷牛肉,四個人share。
先講香烤雞腿,這個絕對是證明印度菜做得好同唔好嘅作品,雞肉非常滑,用上多種嘅香料令到佢味道非常特別,而且一點都不乾身,加上個核桃乳酪醬都好出色。
烤雞做得好就當然,如果做得唔好執得啦,只不過驚喜唔大,反而最大驚喜係tandoori beef sirloin,西冷牛肉燒得剛剛的medium rare,肉汁四射 ,而且好香好有牛肉的濃度,青蕃茄醬點上牛肉直頭係天造地設。
另外四個side都要講下,分別有芝士菠菜、牛油雜豆蓉、牛油薄餅同蔬菜沙律。
講真生菜沙律就最冇乜特別,但係要讚個芝士菠菜用上了軟芝士和大量的香蒜,夾得好好。
Butter naan牛油薄餅非常大塊,而且好軟熟,點剛剛那乳酪醬一流。
牛油雜豆蓉,用上牛油牛奶來整嘅豆蓉相當精彩,又係送薄餅之作。
我們亦都有加錢要左個洋蔥青辣椒沙律,呢個連印度人話加錢都係有啲離譜嘅食品,個sauce 真係好一流,你會想食完再食,怪不得要加錢,我同B先生都大讚,加得有啲道理。
最尾亦都係highlight,carrot sticky toffee pudding ,係友人大愛之作,添上了爆谷雪糕的carrot cake,係你面前在倒下朱古力醬,呢個雖然有點甜,但真係勁好食,剩係來食呢個都正。
最後要說好的係其中一杯beefeater gin,係你面前燒西柚乾同青檸,那個gin的香和餘韻,一流。
食完飯你仲會收到員工親手寫嘅卡同祝福,你感受到,出嚟支持下飲食業真係幾緊要。
大家 stay safe!
PS我好喜歡呢間餐廳裏面嘅畫同藝術品,仲有個金碧輝煌嘅washroom ,記得參觀下。
沒有留言:
發佈留言