繼續在家抗疫，今次到Casa Pennington，一間我非常喜歡嘅西餐廳。
為什麼選這間餐廳？收到了Facebook page 優惠，外賣自取以優惠卷惠顧，滿$200，可當$50現金使用。
睇落即係基本上七五折，又係好吸引嘅優惠，於是就在這簡單外帶是晚晚餐。
於銅鑼灣邊寧頓街的店，星期六的晚上，都有幾張枱的客人。
由於食過幾次，主要食啲之前食過有品質保證嘅選擇。
每次都會叫呢個Oyster soup，今晚也不例外，濃烈的蠔味，唔知點解今天的湯，特別香。而且由老銅攞返土瓜灣，都仲keep到好熱好暖。
開頭害怕如果外賣嘅話，攞返屋企較長時間會有機會個味腥，但係結果完全唔係。
印象中未吃過圓圓的蟹餅，Deep Fried Crab Cake Ball不是平時你吃開的一塊，反而成個龍珠咁，加上了粉紅色嘅醬汁，熱辣辣的外表，入面充滿着豐厚的蟹肉，好令人滿足。
從來都是我favorite 的Razor Clam & Chorizo Spaghetti ，估不到外賣都保持着那種鑊氣，加上煙肉、洋蔥和火腿調味，蟶子肉好多，意粉都沾上海鮮嘅香氣，只怪外賣不大碟，我一個人幾啖就吃完。
主菜選了Roasted Indian Chicken，呢個我自己從來未食過，但係有個很喜歡吃印度野嘅朋友，佢話呢度嘅印度雞直逼中環嘅米芝蓮一星餐廳，誇張到咁便試試看。
每次來到都是食牛扒，都係第一次試吓新野。
幾驚喜，雞肉好嫩滑，有好多鷹咀豆伴碟，多到好似平時愛同薯條等主食一樣，旁邊嘅蕃茄加上印度香料醬汁後，更加出色。
以價錢來講係有少少貴，因為只係得半隻雞，不過如果七五折都尚可接受。
試咗一次呢度嘅外賣，覺得都可以encore，本身仲好想食呢度嘅apple Tart，不過我害怕呢個甜品返到屋企一定冇咁好食，因此還是係留待下次疫情過後，再堂食罷。
有興趣嘅就用以下link訂你哋嘅抗疫晚餐啦。
https://www.facebook.com/192014965570/posts/10163848632570571/?d=n
沒有留言:
發佈留言