有時，一次不太好的經歷就足以叫你將餐廳打進冷宮，未去第二次之前，我覺得來自台北的夫妻沸片，同台北的水準有點距離。
當然，那時剛剛開業的事，之後也沒有再去過了，直到朋友讚佢地似大師兄嘅午餐上市後，幾個朋友都讚有大師兄的感覺。
到和朋友談起33年的正宗麻辣味，佢同我講嘅係完全相反經歷，係佢嘅講法，同喺台灣食基本上冇乜分別。
我最鍾意就係聽人哋意見，既然W小姐和佢嘅朋友講到咁好，話應該值得俾多次機會佢，咁就一於一家人嚟一齊食一次啦。
四人過來打邊爐，剛剛好，就算當時已經有條例，我們都避過唔使罰錢。
先來個鍋底，當然要個經典的夫妻鴛鴦鍋，一邊是台式正宗麻辣，另一邊係養生美顏之選。
正宗的麻辣以經歷了30幾年的傳承，加上多種唔同嘅香料同藥材製造嘅湯底，聞到已經非常開胃，飲落去唔會太辣，湯底的感覺近乎麻神，不算太辣，只是口感會麻，而且感覺非常溫和，講開湯底一定不能錯過佢嘅豆腐，老油條和鴨血，兩樣都絕對精彩，將湯底發揮所長。
養生美顏的美人湯就係用上花膠、葵花雞加上紅棗和當歸等藥材，飲落去你會感到非常滋潤，骨膠原滿佈，而且花膠非常大塊，雞件也很嫩滑。
吃花膠都好滿足。
多人就一定要叫拼盤，唔使諗，牛肉同海鮮當然不能錯過，於是就叫了一個海龍王拼盤和牛肉拼盤。
先講海龍王拼盤，主角有龍躉片、虎蝦、帶子、元貝、鮑魚、桂花蚌、墨魚花和墨魚，個樣真係好靚，相比起香港本地嘅火鍋店，擺盆就好似台灣一樣咁精美。
大部份嘅海鮮都好新鮮，當中最愛大大塊嘅龍躉片，仲有成朵花咁大嘅墨魚片，食極都有。
牛魔王拼盤更加係氣勢如虹，先有A3嘅和牛，吃落去那種油份叫人醉倒，手切牛小排就肉感一流，加拿大牛舌也不錯，而最後嘅榖飼牛肉卷就是不能不吃，牛肉味超濃郁，配上麻辣湯底一流。
我朋友W小姐話加拿大牛舌/牛小排好吃到基本上一定要加碼。
另外我們點了一個黃金魚皮，呢個黃金魚皮真係不得了，熱辣辣又炸得香脆，塗在魚皮上那層鹹蛋黃又香又熱，真係好吸引，應該係我喺香港吃過最好食嘅黃金炸魚皮。
不能不吃菜，我們點了鮮淮山、皇帝菜、西洋菜、萵筍等等，價錢不算太貴可以接受。
講真好少飽到連烏冬或者公仔麵都冇叫，可想而知呢餐飯幾滿意。
幸好得W小姐的朋友，那個看不見的你極力推介，我才再次來到這裡，才再次知道呢個來自台北的品牌，原來也不錯。
特別係當你一年半載都可能冇機會去台北嘅時候更加緊要。
PS 這裡的午餐半肚半肉夫妻麻辣乾伴麵，聞說有大師兄嘅影子，大家有冇試過？係咪真係有銷魂麵舖咁好食呢？知道就俾下意見交流下。
沒有留言:
發佈留言