有睇前幾日我嘅post都知，星期一的晚上我來到朝聖，可惜店方已經無哂pancake。
要吃到pancake只能在京都再食了，第二日我打去問原來做pancake嘅料已經冇再返貨。
不過，呢間雪ノ下其實都仲有好多野好食，係關門之前，一於再來吃個甜品吧。
4月4日，和雪ノ下送別，還是一個完美的經驗。
京都抹茶當然要飲一杯，加埋牛奶，午飯後飲一杯更是完美，茶香和奶香，濃度剛好。
最美味的一口是這𥚃的廣島雞蛋三文治，麵包顯然不是完美的貨色，只是普通不過的麵包，但是那件日本嘅蛋煎得非常完美，又厚又實，𥚃面充滿蛋汁，加上點點的芥茉醬和美乃治醬，整件蛋治可以話係完美。
當然，和我另一最愛Omotesando koffee各有千秋，呢個好處係個蛋熱辣辣呈上，而且芥茉醬也無咁明顯強烈，但麵包就Omotesando koffee勝一籌。
以後要吃好蛋治只有去Omotesando koffee了。
甜品方面，叫了一個刨冰，我們點了咖啡味，和Shari Shari Kakigori House比較的話，當然有一段大距離，佢係typical你可以喺出邊食到嘅刨冰，咖啡濃度由內到外都吃到，最內在的冰部分更加是每口都是咖啡香，整體尚可，聽人講薑味非常好食，但係當你吃過 Shari Shari Kakigori House後，你對刨冰的要求應該昇華提高到一個貴族嘅口味，這個剛合格吧。
另外一個出色要談的是法式西多士，眾所周知日本仔做呢個絕對出色，外脆內軟，又唔會非常甜，個邊脆到令我想起兩草的脆邊蛋，一個人吃一碟都得，比我在台北吃到的紐約早餐女皇Sarabeth‘s吃到的好像更加好。
如果香港店都咁好食，我諗係京都本店應該一定更加好。
雖然最後一天沒有了pancake有點遺憾，不過希望好快可以喺京都本店跟你再會。
當你看到這個Post時，雪ノ下已經正式告別了，不過大家可以bookmark 下京都店，朋友都說，非常精彩，好值得去。
再會了，雪ノ下。
俾埋京都本店嘅地址俾大家參考:
雪ノ下
二条城前駅/パンケーキ､かき氷､カフェ
雪ノ下
銅鑼灣希雲街1-5號禮信大廈地舖
雪ノ下
沒有留言:
發佈留言