(前言:科技信不過, 因為記憶卡壞左又相機又無寒戰2阿發哥識用而差佬唔識用嘅雲端, 於是把手機有一些相片不多的照片,配合短文寫值得寫下的短評
註:無廢話,無故事,剩食物分享,看你喜歡不喜歡,不過, 有些文章咁樣寫會有多啲時間分享食物,費事好多人又話睇廢話, 嗱,我好精準啦,我會好似以前會考咁限自己字數 。)
四月中的一晚,朋友說銅鑼灣有個中菜絕對有驚喜,平到震。
係毫沒有準備下,佢話以一個平到笑的價笑,又有龍蝦,鮑魚, 燕窩食,平到你唔信。
那晚可能是工作太遲的關係,也忘記了在相機影記多相, 總之那張卡壞了,就只有現在手機的一幅半幅吧。
但當有一個星期買完餸之後我就覺得佢平到非常離奇, 要同大家分享一下。
這個名為龍蝦鮑魚燕窩餐,五個餸一百九十蚊,我會用過份來形容, 如果你行過街市買過餸。
果皮蒸南非鮑,說真這個非常典型的酒樓菜式,沒什麼出神入化, 就是蒸得十分好,然後那件鮑魚是大大件又洗得乾淨,配合蔥香, 無理由拒絕。
最重要的是那個上湯波士頓龍蝦伊麵底,絕對是無令人失望的份量, 龍蝦的肉質証明其新鮮度爆燈, 而伊麵底係清清上湯的配合下也是條條美味得很,絕對食得過, 平時你係酒樓叫碟細細份龍蝦都動輒過千,仲要冇乜伊麵, 呢度嘅價錢絕對是窮人佳音。
我記得還有籠仔荷葉蒸雞,我記得又係大碟夾抵食, 只不過有少少油,但還是味道不錯,你會想叫碗飯去送個隻。
鮮竹野菌浸菜苗,清清地之選,洗去剛剛的油份, 優點還是大件夾好食。
最後的燕窩蛋白杏仁茶,是那麼的慷慨, 燕窩成堆放落去個杏仁茶到, 就算我對杏仁茶沒好感也因那燕窩和蛋白香而喜歡上。
當然你唔好期望呢到有好好食的驚喜, 如果我話佢好食到若無世界誰無雙的那種驚喜,我擺明寫那些鱔稿, 但我吃完這個後,真心覺得平又抵食,在銅鑼灣以$ 198食呢啲野,你搵到,你贏。
唔係串,只不過呢個價太屈機,餐廳如果無訓練,千祈唔好學, 唔係執埋都唔掂,雖然我唔知佢點做。
龍湖居 Dragon House
銅鑼灣謝斐道496號金利文廣場2樓
沒有留言:
發佈留言