香港人特別喜歡排隊,對比日本人絕對有過之而無不及, 我們通常排的都是潮流尖端嘅玩意, 有報紙雜誌一報導新的蒲點或潮流,而facebook/ Instagram 又見到朋友們有post過後,我們都會屎忽極痕地想參與一份, 前排的hello吉蒂點心,或者是銅鑼灣的那個三眼仔咖啡, 這是全都吸引過我們的眼球,要做個尖端線上的潮人, 我們都要付出。
有人post了張相,拍著的就是点心代表的外圍, 相中全部都係人,你排隊我等位,大家都為著一看蛋黃哥的風采, 全因新假期的報導,也因為其marketing的成功, 人群就是這樣形成。(註:我用蛋黃哥,唔係為左迎合台灣讀者, 因為我應該冇乜,只係我覺得呢個名應該比梳乎蛋更適合)
蛋黃哥同苟芸慧有什麼瓜葛,應該唔駛多解釋吧。
如果你知道呢道係邊個開, 大概你會知道這也是蛋黃哥以外另一焦點,你係宅男, 你可能會注意這裡是苟芸慧的舖頭, 你可能關注的係苟姑娘的豐滿身材而不是這裡的奶皇包, 如果你是城城fans,可能你會想過黎食個包後, 然後扮食物中毒好似洪瑞珍咁,一洗佢佔有你偶像的那種憤怒, 又或者像我般的人,為的只是蛋黃哥。
有朋友post了一幅相,看到九百幾人係度排隊, 然後感嘆其年齡已經不會追求這類可愛的潮物,幸好, 在我沉迷Facebook 看到這幅相的時候我正正在這裡排隊,當中女孩佔的比例係十對二, 相信大家都係為左蛋黃哥而來,我也是(利申, 我並不是為了看苟姑娘,如果要選,我會喜歡伍姑娘多啲)
在台灣認識蛋黃哥至今,我覺得佢真係好得意, 個樣十足十我地起身未訓醒個樣咁, 見到點心代表呢間野以呢個咁有風頭嘅人來做宣傳, 絕對係有商業頭腦,此舉證明靚女身材好唔一定冇腦, 記得之前經過呢間野鬼影都冇,今次絕對吐氣揚眉。
喜歡這裡的logo,簡單明瞭,一點一心,道出了這間店的主角, 裝潢也很modern時尚的路線, 加上明星的大量寶麗來同蛋黃哥的裝飾,十分討人歡喜。
等位大致上也不算災難,十一點去到,等左一個鐘就有位, 也算不錯了。不過,剛剛我要坐outside,算啦, 熱下好過再等,快啲食蛋黃哥好過。
人參烏龍茶,一位10蚊,記得要睇單,我地兩個人叫左兩種茶, 收左我四位茶,我地發現後都立即同我地改,謹記小心。 一人一壺茶,好過添好運點點心這類店,要一人一杯添, 飲完還要哀求人加茶,像我這尼斯湖水怪就一定煩死人。
梳乎蛋流沙飽49,點可以唔寫主角先,呢個基本係每枱的恩物, 大家都為了“必”爆佢而黎,又有得食又有玩。說真, 我在等位時看人地嘅流沙飽唔似好流沙,包面都冇乜光澤, 但我呢個“必”落又幾好玩,流沙嘭嘭聲流出來,包質感不錯, 口感厚薄得宜,說真如果呢個樣呢個價呢個地方,質素絕對有驚喜, 可能因為我冇期望,冇失望,不過,好玩就真嘅, 如果你同我一樣咁鐘意佢個衰樣,快啲黎玩下,如果唔鍾意,不如, 你唔好睇落去啦。
梳乎蛋煙肉五穀炒飯69,呢個又係有蛋黃哥個得意樣, 不過原來係層蛋黃上加左少少手腳就做左可愛嘅梳乎蛋樣, 煙肉煎得焦脆,肥瘦有致,而最喜歡的就係那個炒得煙韌的炒飯, 加上一點紅米粟米紅蘿蔔同蔬菜,也算健康,而且好大碟, 食完乾淨仲可以見到蛋黃哥個衰樣。
黑魚子燒賣皇$29,黑魚子搶鏡十足, 在豬肉與蝦五五分賬的情況下,其表現算中規中矩, 不過黑魚子味道不夠搶,浪費了呢個咁好嘅樣貌,如果黑魚子多啲, 應該會味道更突出。
路邊豬腸粉$39,呢個配搭可能應該有地方做過,但我不記得了, 咁創意就入佢數啦。喜歡其腸粉算不錯,滑滑而又厚度適當, 從來豬腸粉要表現突出都係要混醬,識食一定咁食, 就如六七十歲要表現突出又點少得偉哥一樣, 冇混醬的腸粉卻加上了滿佈油份的排骨,兩樣東西水乳交融, 最衰排骨較肥,如果唔係必定更吸引。
蛋煎糯米雞$39,呢個又係幾特別,用蛋包著係平時常吃的糯米雞, 那個包著的感覺非常奇妙,蛋的角色令糯米雞沒有了平常的油膩感, 而且糯米雞如果單獨來看也一點也不失禮,老實說, 可能本身對呢啲點心店並無大期望, 但往往因為正因為咁而驚喜處處。
龍鬚鳯尾蝦$49,呢個絕對係一個今日最好味的一個點心。首先, 那龍鬚看似很油膩很熱氣,但一口咬下去脆得擁有全世界, 鳯尾蝦爽口又大隻,完全找不到一點的油份, 完全唔似雪藏海鮮的貨色,而且其樣子精美,絕對不輸蝕, 我覺得係蛋黃哥以外的最佳點心。
大概,今次的經驗也是良好的,如果你喜歡梳乎蛋, 你絕對會為那些點心著迷。至少,平時看到的都係好睇唔好食, 而呢到嘅蛋黃哥絕對係好睇又好食, 我唔知係唔係配合苟小姐明星總是好睇又好食的宗旨, 但的確從谷底中冇得撈仲要可以殺出個血路,絕對不是易事, 報紙看過她仲要親力親為,我唔知一年後這間店還是否咁成功, 但至少,今日,贏了,原來選美大概都是真的美貌與智慧並重的。
同場加映,蛋黃哥教你用I phone slo-mo。
係,我真係幾無聊,不喜就唔好睇啦。
点心代表 DIM SUM ICON
尖沙咀彌敦道100號The ONE 3樓L308號舖
沒有留言:
發佈留言