自從西環的地鐵站通車後,幾多餐廳在西環都終於等到出頭天。
很多人覺得這裡的小店可愛,有那個賣飽賣撻賣左幾十年的茶餐廳, 有那個潮州人的飯堂,有幾間精美的cafe ,有幾個走高檔路線的食肆,漸漸起革命,同為西環注入生氣。
我最愛由泓都開始從東邊到巴士站的那一些餐廳,bistro du vin ,當然不在話下,呢個係一間城中我最最最最最最最最最最最最( 再乘12呀唔該)的餐廳,另外前面的fish and chips 也是我愛不釋手的選擇,最喜歡泊車在這裡,方便無比, 特別係好似fish and chips 咁,對住海景,悠然自得,喜歡得要死,呢啲地方溝女真係好, 食完行下海邊,睇下個天,望星星可以望到終點在望。
其中一間中式餐廳,我成日都好有興趣,不過未有機會食到, 難得今晚有食友叫我來晚飯,當然立刻說好,不過星期五的晚上, 三個男人的飯聚,似乎浪費過頭,基味十足,但有好野吃, 基都照食,至少吃完後菊菊還在安心了。(你唔知菊菊係乜, 那麼算吧)
這裡是西環碼頭。
這裡的餐廳外邊有無敵海景,同女食真係好一流, 可惜對的地方遇上不對的人,我突然想起蔡桌妍姐姐同的士陳,唉, 隔離又係坐著一對沒交流的情侶,也真是大煞風景。
算啦,專心留意食物好過啦。
冰鎮鮑魚,來自大連的朋友當然是肥美無比, 本身朋友說吃熟的海鮮,我大吵大鬧, 因為其實冰鎮的鮑魚配合紹興酒之係超match的,口感一流, 在軟和微硬之間係那個神采,我覺得好過聚友的冰鎮鮑魚。
古法老虎斑,係今晚一個我非常鐘意的菜式, 用上冬菇絲肉絲豆腐蒜頭生菜咁多種唔同嘅地道嘢來蒸的古法品, 老虎斑非常鮮甜,魚肉滑得很,特別那個面珠, 你係外間很少呢個方法將魚呈現,是中國的古早味和美。
你以為冰鎭鮑魚已經好驚喜,錯啦, 呢個視覺非常出色的冰鎭咕嚕肉更加驚喜, 上枱大大碟都用左澎湃的冰塊,唔講以為怕緊本能, 著白色套裝嘅莎朗史東準備冰插殺人一樣,那冰塊之多, 你可以想像到。不過佢不是只有樣子,內涵也是十分唔錯的, 包著咕嚕肉的那層皮就像一層冰火交替,裡外都做得精彩, 色香味俱備就是這種感覺 。
豉椒炒蟶子皇,這個基本上是必點的菜式,樣子已經像一匹野馬, 那些豉椒汁任意地搽在蟶子上,其配菜的青椒紅椒也非常惹味, 每條蟶子都像添上了那無限的可能,而且好大隻, 每啖都有彈性和味道的美感。
前排潮興蕃茄飯,呢度都有,不過改良左係蕃茄包飯, 在芡汁和上湯間的蕃茄包著炒飯,中間有不少菜同蝦肉, 呢個十分清新的菜式,而家的炎夏天氣食,再送啤酒,絕配。
見呢度海鮮唔錯,於是食多個蒜蓉粉絲蒸扇貝,當然一如意意料, 水準非常高,大大粒的元貝口感一流,蒸得時間剛好, 不用劃蛇添足多說話,吃就是了。
三個男人,摸下杯底,話題離不開錢同女人。 朋友f先生剛好受情困所害,說起女人, 又想起近來幾個朋友失敗的愛情故, 剛好鄰坐一男一女突然吵架起來, 八卦的我聽到係為左個女的幼稚園學位而煩惱, 我在想可能他們曾經也經歷過生活的甜蜜, 我想如果沒有女兒的煩惱,可能他們會坐外面的位置, 談著動人情話,但現在的是一個局面,令到朋友都感嘆,或者, 這是情傷最好的結局吧。
碼頭一男一女,不一定是浪漫,碼頭看海景食晚飯不一定浪漫, 有時候,更加是殘酷的,還很殘酷的。
西環堅尼地城新海旁爹核士街1號裕福大廈地下
沒有留言:
發佈留言