我們都是為了自己而設想,大概係對人性的最好注腳和體現。 你有冇想過別人怎麼看你自己呢?
好多人常講,我們不用擔心別人怎想怎看, 因為腦袋眼睛別人想法都不是你可以控制的東西。
大概也是,很多時候我們只會從自己的出發點去想, 在辦公室裡我們都總以為最勤力最得體的一個, 老闆永遠都不明白而且吹毛求疵,日日講壞話講到口乾, 然如果他或她在家的時候,他們對家中的菲傭又係要求極高, 立刻佢地都成為了眼中的老闆,如果你大概了解菲傭印庸說的話, 我想你也會明白佢地係中環gathering嘅時候, 大約討論自己老闆的不是吧。人,有那個不是覺得自己最正確呢?
當什麼也反過來看,你可能會了解多一點,故事也可能改寫, 我常常會常所有事物,人物,如果反轉來看,會有什麼分別? 三隻小豬的故事大家耳熟能詳,若過反過來,三隻小狼教你點食豬, 你又點睇。
九月三日,一百年也沒有一日的抗戰勝利日公眾假期, 我來到了這裡,選這間餐廳的原因, 係因為上個月openrice選了八月十大,就如聽叱咤一樣, 去左朝聖。
坐底已經喜歡這裡的裝修,那種開放式廚房,高桌長枱, 瓷磚和四正的餐廳,簡約的啡和白,也唔係太吵的環境, 一大班朋友食飯應該係最好。
坐下已經有好感,看到他們送上的水更是如春風送爽, 那些簡單的水原來係detox water,七彩斑斕的生果,在水裡各自揮動其營養價值和味道, 排到毒嗎?我唔理,好飲就是了。
這裡的happy hour 價錢一點也不貴,一杯mojito,清涼爽快, 點點的薄荷葉令人更快冰涼感覺。
太肚餓下,叫兩個appetizer先醫醫肚。
Sautéed field mushrooms ,忌廉芝士牛油蒜蓉聯在一起,配合磨菇, 又creamy又juicy,呢個前菜味道較為濃烈, 相對配合隨前菜附上的焗麵包多士, 磨菇的特色得以發揮得淋漓盡致。
一人有一個夢想,本來想一人叫一個set dinner ,但好像大家都三心兩意,於是叫了個雜錦set, 把所有好吃的東西都一併叫過來。
呢個grill room platter 集合了所有餐廳signature dish,應有盡有,豬牛雞蝦,彷如從前士林夜市的海陸空套餐, 熱愛台灣和去過士林的你,必定明白的。
上枱那刻,是有種整齊條理的精美,不同食物各據一方, 還有四種醬,香草醬,燒雞醬,燒烤醬同茄汁,應有盡有, 咁多種mix and match ,定可迎合不同品味的你。
Signature pork ribs,迷人的豬肋骨,軟綿綿的豬肉, 肉質鬆化而充滿燒的香味,唔會燒得乾而肉質非常juicy, 已經不用說太多,搽上那自家的barbecue醬, 完全係無水花的讚。試完呢過,你會知道, 這三隻小狼真係好叻怎去燒豬,寓言故事倒過來看, 當世界反轉過來的時候,原來寓言故事都可以搖新一變成美食雜誌。
beef short ribs,可能由於豬肋骨太迷人的關係,我覺得這個short ribs 相對夠遜色,我叫的是五成熟, 不過好像燒得有點overcooked, 但配合那個香草醬反而特別令人開胃,牛肉雖然熟了一點, 但其質地還是很不錯,唔會過份韌,肉味亦濃,barbecue sauce 呢個伯樂就反而失色了一點,係呢度突顯唔到佢功架, 點了也提升不了太高的層次。
Peri peri chicken,呢個雞肉係另一個亮點, 雞腿和雞胸同樣係滑得可憐,油份不高, 不會好似有啲燒雞食到成口油而雞肉的質地還是乾涸的, 這種特別是雞肉更加是提供多得驚人的肉汁同嫩滑的口感, 可見這裡燒和烤的技巧之出眾。最重要係Peri peri呢個醬,勁惹味,勁回味,同雞配搭得絕對天造地設。
Jumbo tiger prawns, 可能其肋骨和雞肉太過出色,相對虎蝦就較冇咁搶鏡, 始終大蝦都不是宜用黎燒烤的食物, 任你幾出色嘅技巧都係顯示到食物的部分優點, 這個蝦也能維持其爽口的肉質,不過,要說非常出色,絕對不是, 錯不在餐廳,只是這個方法不是最佳吧。
薯條係美式大條的種,配茄汁好隱重,另外沙律都非常吸引, 如果可以吃多一點,份量多一點就好了,才平衡平常食飯的肉感。 可能三隻小狼的燒物太吸引,吃得太多肉, 如果可以吃過沙律會好一點,可惜已經沒有位置了...幸好, 還有detox water,原來細心就係咁,清毒去膩,教你食豬仲會對你咁好, 原來世界調轉,成件事真係會唔同, 當你身份再不是以自己角度出發,我想,很多東西會變得不同。
多謝三隻小狼,除了教我點燒豬和食豬,還為由小到大的寓言, 下了新的詮釋。
The Grill Room
銅鑼灣駱克道459-461號The L Square5樓
沒有留言:
發佈留言