2015年9月4日星期五

女人心(上)

好多話,女人係水做,我話,女人最喜歡食甜品,女人應該係甜品做,無論飯前或後,甜品都係必然選擇。

世衛前排先講香港人吃糖的習慣非常誇張,而調查就顯示香港人都有個習慣一星期有四晚都食糖水,當然係全球數一數二。

我相信,這個習慣,現在已經不是什麼新奇事,特別係而家嘅甜品舖成行成市,雨後春筍已經不能簡潔地形容了這景象了。

特別係當吃飯前後,如果有女人係附近,食甜品已經係前戲或者是事後煙咁嘅指定動作,特別如果你係一男一女嘅飯局,你又對女仔有興趣,如果你對甜品有認識又可以搭到兩三嘴,我相信就算你係宅男都一定對你改觀。

女人心底裡,大概甜品都佔有一個好重要位置。

我個朋友為左佢心儀對象,想帶佢食多啲甜品,於是呢排我地幾個人就做下功課等佢有多啲課溝女。

首先選了這間近排十分hit的tokyo secret。其實上個月已經好hit,我都已經慢左半拍,睇殿堂食家話,這裡的甜品對比剛開業前有少少退步,不過就我所見,人龍依舊強勁,呢排就keep係十大就知應該還未退燒。







星期六下午係openrice見到又係排到咁前,又點可以唔試下,不過唔係好肚餓的情況下食兩杯算了,雖然佢個杯北海道奶非常吸引,但還是下次才試吧。

有一野要讚,我好鍾意佢個門面,的確有種日本異國風,那種是有原宿街頭的隨處可見帶有藝術氣質的門面,而且有潮人聖地利時,別有一番感覺,那種我也可暢油異國放心吃喝的感覺,油然而生。

呢間店以細節和精美的食用來製造出主題特效雪糕,全部個look都好吸引。

選了好多人都食嘅冬之富士山。無論名稱,樣子都十分可愛,特別係佢有乾冰係個底到造成煙霧彌漫的效果,係instagram呃like至強。









雪糕為非常細緻的北海道牛乳,質感滑溜得很,每啖都係濃濃的牛奶味,在雪糕面上搽上的係魔法脆脆,底部仲有法國藍梅醬,藍梅醬與雪糕融為一體,而其冬日的look,送上那個以白朱古力做的雪花,味道不算太甜,整個感覺不算太甜而且不俗。

另外選了期間限定的楓之火焰試試,佢介紹為秘製的米芝蓮總廚秘方,其火山爆發的效果非常精彩,用了榛子雪糕加上法國紅桑子汁,底部更有爆谷,浸在榛子的雪糕和紅桑子汁的交錯中,爆谷都沒有變軟,不過相對來說,我喜歡冬之富士山多一點。







可惜呢度冇可以坐的位置,如果唔係可以慢慢坐來欣賞其他甜品,因為視覺味覺上都有一定享受,女孩絕對會鍾意,唯一唔好處係呢度短期內加左少少價,同埋我覺得價錢貴左啲,不過呢排咁hit,你點都應該過黎試一試啦。

Tokyo Secret 味之藝術
尖沙咀加連威老道52號地下C舖

沒有留言:

發佈留言