美心六皇明月~

最喜歡挑戰難度，睇左openrice幾年，見到人人都寫月餅，臨近呢個中秋，當然我又想學下點寫月餅。

靈機一觸同那小小的導火線，係因為有客人送左呢個月餅俾我同事同我睇左不同食家嘅月餅文。

呢個咁搞笑嘅月餅，係美心出品，客人係我地工作地鐵站美心攞貨，送左呢個美心六皇明月俾我地。

學下寫月餅啦，我覺得一篇月餅而寫一篇文真係好勵害，仲要唔係幾隻味。

呢個應該係類似某啲特別板之類的包裝，個盒勁靚，有上年見過好似ritz-Carlton 的有鎖的月光寶盒一樣，以美心黎講，高貴大方，送客一流。

不過月餅個樣真係好搞笑，個樣好似好鈍好蠢咁，放個迷你月餅，那蠢蛋的狀態更加不言而喻。

你如果想一個人吃畢整個月餅，應該是沒可能的事，我地成班人可以將其分成十六舊，我食左兩舊都覺得好膩。

蓮蓉還是非常迷人，每淡都是連綿的甘香，其實我最喜歡就是蓮蓉，吃完一口，送啖茶最精彩。

蛋黃的甘香更加精彩，蛋黃溜出來的蛋黃汁香氣四溢，不過真係唔可以吃太多，真係食到你滯。

其實食左咁多年月餅，心知最好吃的還是傳統蓮蓉和蛋黃最動人，最難取替，地位還是無比和超然，不是普通冰皮和流心可以代替的。

美心西餅 Maxim's Cake Shop

太古港鐵太古站TAK 10號舖