樹熊の食桌: 遲到了

2015年9月8日星期二

遲到了

首先，要同朋友說對不起，呢篇食評遲到了應該有半年。

這間是朋友的朋友開的一間店，上次朋友特登叫我過黎食過飯，可惜，那次可能我渴得多了，醉得起勁而忘記了約定，那篇食評放左係櫃底。然後，有一天，朋友說起想好想做下全智賢，食炸雞喝啤酒，於是給了我幾個選擇，當中我看到了這間炸雞，我才驚覺，我忘記了這間來自星星的你Chibee chicken and beer。

今晚黎到，人流依舊強勁，如果你冇訂位，絕對冇可能有位，就算你等，都唔係話等就有位，同上次第一次食一樣，等位係好正常的，而且餐飯係typical食個半鐘，不多不少個半鐘，要注意食飯的時間啊。

場内同現今所有韓國潮人食肆一樣，全部都係像韓國街頭一樣，有為數不少的美女，全部都著得花枝招展，夏天不只為為大地帶來美腿，還有無數化得叫你望多兩眼的粧容，原來係真珠都無咁真的事實，而且大部分都係兩三個，三四個的女仔柴娃娃吃晚飯，男人唔駛食嘢眼球都先飽左一半。

啤酒麗塔 bergarita $138，呢杯咁attract你眼球嘅東西一定係呢排instagram或者facebook點都會見過，要黎朝聖，一定要做足準備，因為corona 同margarita兩種酒精夾雜起來，有點冰冰的感覺，透心涼，有cocktail的感覺，也有同時的啤酒和龍舌蘭的味道，不過的確容易令人醉，特別係之後你食炸雞，一啖炸雞，一吃啤酒，絕對係最佳拍檔之享受。

芝士玉米 $42，唔駛講，食得韓國菜又點會無芝士份兒，雖然佢唔係用芝士包住乜野豬肋骨，但其邪惡程度絕對沒有減少，整碟都係芝士包圍著粟米，每粒的粟米都沾上了那誘人的芝士，粟米的甜美和芝士的鹹味就這樣碰上，幸好，邪惡得比較健康，而且份量剛剛好。

忌廉羅勒香蒜炸雞 $178，記得上次在這裡吃的炸雞，非常鮮嫩，炸得脆而不算太乾，和之前因為星星熱潮所開的幾間炸雞都有很大距離。今日的炸雞，依舊做得出色，接近十件的炸雞全部大小都差唔多，juicy之餘，雞肉滑溜，油份不算太高，雞皮也算炸得脆而香口，帶點香蒜味的雞，就這樣吃已經是美味無窮。

上次吃的時候已經記得這裡的羅勒汁係一個非常出色的產品，配合左羅勒汁嘅雞件令人吃得更滋味，雞肉食完完全全唔油膩，係成個炸嘅點晴靈魂。

bergarita係炸雞助攻情況就算幾大杯都飲完，之後再叫多個飲品，珍露燒酒mix就自然係不二之選，這裡可以選珍露加唔同選擇，酸奶，石榴，檸檬，菠蘿，桃和蘋果等，我當然要最喜歡的酸奶，燒酒加酸奶感覺就如cocktail一樣，非常易入口，酸奶的主軸帶點絲絲的酒味，非常好喝，食完胃口仲更加好，於是吃多個部隊鍋。