流心芝士Tart~~

係心情最低點嘅星期一，突然，有個同事外賣左呢度嘅流心芝士Tart俾我地食。

呢個驚喜簡直係大到不行，睇個樣已經知好正，又靚又精美，我等左兩個星期，仲日日諗幾時有得食嘅時候，竟然有得食。

同事匯報，星期一的早上，排隊只需半小時，仲可以買一打，不過，佢話寧靜的星期一早上都有師奶排到吵交，所以，要食，真係要襯早，連師奶都排，你睇威力幾大。

早上九點幾排的話，通常十點九前都買到，呢個係我煲左幾日Instagram 嘅飲食攻略。

最喜歡那面焗焦了的芝士，看見已經流口水。

個tart真係好好食呀，那些綿綿流心的芝士柔軟滑溜，香酥無比，芝士味勁濃，皮依舊鬆脆，流心依舊像那些電影情節一樣，從中出來，當然，係由撻入面中出來，大家唔好心邪。

我覺得對比另一班霸Pablo，呢個好食好多。

那些白色的芝士，從電視裡看，從未如此吸引。

掛住影相，那些芝士滴到落keyboard，如果你係辦公室吃，千萬要遠離，因為滴落鍵盤間好難抹，好難清潔。

由銅鑼灣到到太古，六個站十二分鐘的時間，唔係即刻食的感覺都咁美妙，我想像不到，熱辣辣出爐會有幾為天人。

我自己好想食埋尖沙咀那間才對比一下，才再寫詳細report。

不過你係可以平日周中放假，一定要去買黎試，星期一到五，可以買十二個，六日就最多六個。日售三千個，你要成為每日168個幸福兒，就要早起身了。

多得同事去銅鑼灣見客先食到，萬二分感謝，如果你經過又有時間，點可以唔排隊呢，快啲去試下啦。

吃完那刻，巧感動，想講一句:　阿媽，我得左啦，終於食到佢個芝士撻啦。

BAKE CHEESE TART

銅鑼灣軒尼斯道555號崇光百貨地庫二層