2016年10月21日星期五

與目黑慶祝十周年

1.首先,這篇文不是因為目黑這首歌推出十周年。

2.我覺得我真的是飲廣東歌的奶大的,因為講過Mos burger 我會想起目黑,"坐下在目黑區深宵那個摩斯漢堡店",然後每次我吃到摩斯漢堡我想起呢首歌。

3.我喜歡以中文為主,英文又唔好,所以我冇JM rrrrrrrrrrrr tone 的音,學陶傑話,咁樣嘅tone係會引鬼佬上床,呀,唔怪得從來冇鬼婆引我上床,這引申係我的食評上,我寫中餐多於西餐。

4.回正題,摩斯漢堡十周年,佢出左個飽慶祝下,個飽叫黃金鰈魚漢堡,本身$25的價錢平左一半,而家十二個半,真係平到笑,又要講窮人恩物。



5.這個包的供應時間由10月19日到10月22日,如果放假的你還在床上,那麼聽日你還有最後的機會,和他們慶祝一下十周年

6.講番個包,黃金鰈魚漢堡以一塊還算可以的炸得幾脆的鰈魚為主角,生菜,蕃菇,椰絲在炸魚中出現,清新的美味配合那個摩斯漢堡的經典size





7.說真,這個漢堡比魚柳包好吃得多,不過如果你想食飽,就應該唔得,可能你要食兩個,同人慶祝生日會食得飽嗎?這個道理你應該明白的。

8.好多人過來特地買過飽,大家都好支持同想同目黑慶祝十周年,所以未食而工作地方附近又有Mos burger 嘅你,過黎食下,老土講,平過麥記好多,無論質素和價錢。

9.全個promotion我都覺得唔錯,唔明嘅係點解價錢唔係十蚊,而係十二蚊,我覺得十蚊的廣告效果會更強,提供日子最好係十日,我不是媽劇庭,如果我做有呢個想法應該叫我俾辭職信。

10.仲有,其實摩斯漢堡以米漢堡發跡,我覺得如果用米漢堡來做promotion會有意義一點,不過香港人可能唔鐘意,在我印象中,米漢堡都算幾好食的,無論點,目黑慶祝十周年給我一個愉快的下午茶,我會幻想自己坐在目黑區深宵那個摩斯漢堡店,而不是工作了三年多的太古城中心。






MOS Burger 
太古太古城道18號太古城中心二期地庫1樓L號舖

沒有留言:

發佈留言