第一次

我成日覺得做男仔好輸蝕。

女仔做什麼都會容易一點，訂位食飯、待人接物、買野行街都會有優勢，靚女會俾大碗啲俾多粒魚蛋，女仔太夜回家危早少少俾佢地走，唔可以搬粗重野，買野需要男士幫下手，係街經過有女士都會開下門攞下野，訂位滿左佢用嬌嗲的聲線都會有特別的安排(男人接電話)，可能我見到太多，我總覺得女士生活是比男士幸福的。

唔好誤會，我唔係歧視或者說女性有特權，但呢啲野通常唔係男性身上發生，而且本身認識大部分男仔有風度，所以覺得香港女仔就是幸福。

不過，今日係度我完全覺得自己就像女孩般被寵壞。

來到了旺角的女人街，雖然今日跑左10KM跑到好攰，但看到Modos冇人排竟然會冇乜人。

呢度前排非常非常hit，記得前排電影節經常經過這裡，每次都是人山人海人來人往，每次都排餐懵排到傻，想試都冇乜機會。

我估睇下OpenRice 的你，佢地咁hit唔駛點介紹，呢間雞蛋仔前排係各平台都搶盡風頭。

睇到佢地嘅Menu都知，什麼班蘭雞蛋仔，積及橙，鳳梨酥，芝士雞，紅豆，流心蜂蜜雞蛋仔都非常搶鏡。

我睇過朋友的Instagram 後記得那個流心蜂蜜雞蛋仔非常吸引，於是就點了這個。

等嘅途中，先細心欣賞個餐牌，原來呢度乳略同飲品都幾吸引，於是就叫埋個飲品。

但剛剛才發現原來買雞蛋仔可以平四蚊，知慳識儉的我當然厚著面皮問下收銀姐姐。

然後，佢講：唔得呀，不過，你撞到我，我就幫你啦。

那刻，我就如買火柴的小女孩般，因為有人在冬天的街上買我的火柴而快樂。

只不過，呢刻係冇風的高溫下午，加上我想買的是凍冰冰的班蘭特飲。

那刻我終於感受到被優待的好，我想應該不多有這樣的機會，而且那個還要是漂亮的收銀姐姐。

然後，佢仲要話：下次記得唔好啦。然後，她送上那些最好服務的笑容。

雖然，我唔知個優惠會唔會個個有，抑或真係阿靚女姐姐特別俾我，但係佢最尾嘅kind reminder，比小學老師要你寫手冊更刻骨銘心，我會記得下次睇清楚menu先order了。

原來好的服務真係好簡單，咁忙的地方都有好聲好氣，澳牛的香港精神，不一定代表全部人。

等了不用十分鐘，雞蛋仔同班蘭特飲齊齊來到。

攞上手的雞蛋仔，十分熱辣辣，就算厚厚的紙也包不住其熱力，你想到佢嘅即叫即整。

如果雞蛋仔唔係即叫即整，完全係唔入流，好食極有限。

到底點樣流心，首先，我放一粒入口。

然後你會feel到口中爆裂的特別感覺，那股蜂蜜香，慢慢從口中流出。

感覺咁特別，當然要咬開睇下啦。

未咬開佢嘅時候，見到那股小小的流心像想溶出般，但最後沒有像心太軟般流出。

於是我更好奇完全咬開，看過究竟。

原來雞蛋仔裡面有四粒大小一樣的蜂蜜泡泡係度，那個爆醬流心的感覺就係全因為佢。

整體的口感都幾特別，而雞蛋仔都做得幾脆幾好味，以$23一底的價錢，唔算貴，玩味一流。

至少佢幾隻味我都好想試，只不過今日跑完步，天氣又熱, 無乜胃口。

最後飲的那杯班蘭特飲，絕對是夏天佳音，適合今日的悶熱天氣，一肚子的火和熱都被那班蘭特飲沖走了。

班蘭特飲的淡然絲絲的香，不是那些台式飲品的死甜，加上淡身的口感，就是夏天女孩穿短裙一樣，是皇道。

兩樣加埋都只是三十七元，這樣就換來一個下午的快樂，也算是簡單幸福吧。

多謝你，我會記得我平了四蚊的雞蛋仔，下次我會記得連飲品買，我還會好好記得第一次俾優待的經過，我想，短期內應該冇下一次了。

最重要，咁hit都冇那個平常潮店常見的氣燄，反而是一個親切的金子。

因此，我今天立刻快速寫下這篇第一次。

簡單的雞蛋仔和班蘭特飲加上好服務，絕對值得一個笑臉。

摩豆 Modos

旺角花園街174號A1舖