有些地方,就是傳說中神級。
神級的地方在於,上網食飯可以呃like, 你話俾人聽你黎食飯會有人俾一個羨慕的目光你, 食飯唔係個個可以話黎就黎,要食都要等番一頭幾個月, 你又聽聞過佢幾好食幾好食, 基本上聽到一篇一篇前人的精彩食評已經知道如我當年吃覺得這首是 年度之歌的經驗,這種種, 令這間餐廳的那個名字響得黎還要再響多幾下。
我自己吃過好幾次,但還是為了那個佛跳牆, 陳皮蝦和炒飯而魂牽夢繫,我這班朋友,佢地個個都識飲識食, 同佢地講過這個如天堂的神級地方後,無一沒有興趣, 大家都只想要個期可以過來一睹風采, 看看這個傳說有沒有這麼厲害。
你知道,有時候傳說沒有真正體驗過,這些都只是傳說, 就如傳說發生過的好多事,都只是口耳相傳,沒有理據, 就如我還記得今日睇真D那個被解剖的外星人, 你可以有幾相信那個傳說呢,就算眼睇都可以不是真, 特別係吃的東西,唔用胃和口感受又怎能當真呢。
本來二月吃的晚飯,因為意外book錯時間改遲了個幾月, 你見到佢地可以幾忙幾難約,可惜被人誤解自己約錯時間, 也沒有辦法,從來約人食飯也是這樣高難度,吃力而不討好,說真, 唔做好過做,就等如你的另一半會永遠怪你不夠好一樣。
多謝Lady M才可以讓我有得吃這餐晚飯,我是感恩圖報的人, 先在這裡謝謝你,可惜今晚最後你不能來和我吃一餐, 因為食左過百次的你未吃過的八寶鴨是可以引到你來的原因。 只可惜呢隻鴨今晚唔夠吸引,最後也不能和Lady M共同再分享這傳說。
我這班朋友個個都未黎過,所以對傳說是有絕對的期待, 我自己可能吃過幾時,但問題係是搞手的關係, 我也十分害怕別人的想法,如果傳說中沒有咁傳說, 而開飯日子又改完又改,不滿意的聲音大約就如那套原罪犯Old boy 中的old boy一樣,陷入萬劫不復之地罷。
不過,皇仁這個old boy絕對不是哥只是個傳說這樣簡單, 大家吃完後都覺得呢個old boy 真係值回票價。
話說我寫菜單時十四個人一圍有人覺得叫得太多, 但吃過幾次的經驗告訴我,食多少少,寧願食唔到打包好過, 因為難得可以食,當然要食多少少。如果係你, 你會唔會覺得好多呢?
蝦子柚皮
桂花蜜餞金蠔
佛跳牆
椒鹽陳皮中蝦
花雕蛋白蒸蟹
百花西汁釀油條
鮮蟹粉豆腐拼菜遠
紅棗雲南火腿雲耳蒸龍躉
炸子鷄一隻
八寶鴨
潮式炒飯
蝦子伊麵
生磨腰果露
我地不如賭一賭,十四個有冇可能食到哂所有野啦。
作為第一道菜式,桂花蜜餞金蠔,那個賣相了得, 一上場已經像香薰一樣在你鼻孔邊傳來一陣陣的清香, 是桂花的香味,如入花叢般的清新, 那些甜蜜蜜的蜜餞和洋蔥在肥美的金蠔上糾纏不清,蠔的美態已叫你醉到, 雖然不是每隻都肥到爆滿的身形, 但如果以炸過的份量來說也幾大隻,蠔味已經不重了, 反而好吃的是那個桂花蜜餞和蠔的mix and match。
其實食百花西汁釀油條是我自己私人的宏願,係我寫個菜單時, 食左幾次的我好想食新野, 做左功課睇過食評知道呢個不錯的選擇後就加了這個菜式。百花西汁 酸酸甜甜,最適合前菜,釀油條係以蝦膠為主角,配合那個西汁, 是不得了的好。
然後是紅棗雲南火腿雲耳蒸龍躉, 呢個對我來說就是有點感覺不同了,可能我吃過很好味的龍躉, 那些龍躉皮的迷人在這裡看不到, 不過蒸龍躉是啖啖都是甜美的魚肉, 加上蒸魚的豉油和濃濃的紅棗味,令龍躉更有個性, 朋友最喜歡的是沾上豉油的火腿雲耳都是那麼好吃,送飯一流, 不過,我叫朋友千萬不要叫飯,因為後面還有食物多的是。
鮮蟹粉豆腐拼菜遠就真的不能令人自拔了,那鮮蟹粉的色彩叫我的朋 友不能不叫碗白飯送。不是時令就不是時令, 沒有之前將菜都完全掩蓋的氣勢,也沒有那個豆苗, 相對也冇咁好食。鮮蟹粉都沒有冬天的好,但朋友卻吃得津津樂道, 最後佢地都係叫左個飯,咁喜歡的我都真係食唔到, 因為我知道今晚一定會好飽。
大大個的壺氣勢如虹的放下就知是勁野,主角出場。
佛跳牆是絕對100分之作,最愛係我勁足料, 那隻隻的鮑魚當然是不可能錯過,還有翅,還有雞腳, 還有像係福島長大般的大大隻冬菇,還有大大隻的火腿, 湯頭是不一樣的甜,每人足足飲左兩大館, 朋友A小姐差點連所有料都食哂。
最好的就是阿叔好細心分湯分食物,這個old boy值得一讚。
那個金華火腿的皮,是這類的侍應哥哥叫我們一定要吃的。吃完後, 完全不後悔, 那個火腿皮的鹹香像是那些西班牙風乾24個月的味道, 完全係異曲同工之妙,幸好有紅酒,完全在吃西班牙菜一樣。 那隻滑滑的雞雖然都吃食但是絕對過猶不及,繼續食繼續飲, 完全不像中菜的風味。
本身應該開頭來的蝦子柚皮突然殺出來,晶瑩通透的蝦子柚皮樣子又 是一百粉,不過伴碟的西蘭花沒有菜的基本美態, 蝦子柚皮老實說真係較遜色,同樣食物,我覺得拍版小館好味得多, 如果你過來可以試下冇乜所謂,有期望就可能會失望了。
第二最愛的椒鹽陳皮中蝦, 在陳皮的香和椒鹽的辣和野味的中蝦就像是齊人之福, 太太的溫柔和小三的野性如果同樣放在一個人的身上, 大概不會有這樣多的情感糾紛,蝦要投訴的只是沒有去腸, 如果做埋,大約就是滿分。
花雕蛋白蒸蟹,係傳說神話般的地方吃當然會要求高一點, 當然沒有大班樓的那個神級,我還是會覺得合格的, 那個花雕蛋白蒸得十分入味,蟹也是鮮到不行大大隻的花蟹, 加上每隻腳都有膏伴隨著, 以一個一點也不貴的價錢吃倒煮得不錯的海鮮來說, 冇地方可以投訴。
帶來的五糧液,送蟹是撞到剛剛好。
炸子鷄應該係呢度最冇特別的一個菜式, 當朋友問我點解死到唔放棄隻腳的時候,我停一停,諗一諗, 真係冇特別去想過這個點子, 唔知係人到中年男人特別喜歡食滑溜溜的雞肉,不過, 真係最唔突出最普通。
八寶鴨是我朋友A先生的最愛, 為左佢我冒著被人小的風險把這個菜加上, 當然清清的八寶鴨冇令人失望, 佢清清的汁加上一點的菜和裡面叫人吃得清新又爽涼的菜式, 直頭有消膩的元素,不過我還是普通喜歡這個菜式, 但朋友A可以把它清除。
潮式炒飯係難得的好吃, 用上好多不同特色嘅食材來炒出一個乾身又香又美味又有特色的炒飯 ,非常了得,大家都一致讚好。
相對潮式炒飯嘅出眾,蝦子伊麵絕對比下去,不過今晚似乎好食左, 那個伊麵是炒得最乾身的一次,還有那些像不用錢的蝦子伴麵, 叫人來吃得更開心。
最後的甜品係生磨腰果露加湯丸,呢個竟然係最受席上女士喜歡的, 滑到不行的腰果露如把你的舌頭撫平味蕾般, 那個彈牙的湯丸更是可愛到不行,他們更笑問有冇得添吃, 可惜有錢都無用,所以食物都是預左剛剛好的份量, 你要吃下次請早吧。
還有話梅粉加西瓜這個甜品做結,也是不錯, 只不過西瓜不是當做的時候,如果對的時間可以應該會更迷人。
我想你睇到這裡都估我地食唔食得哂,14個人把枱面全清掉, 幸好沒有背上罪人的名,朋友吃得高興就夠了。
如果你賭我地唔得,你應該輸左,正常嘅,阿叔臨走時:' 話你地真係好刷得,勁。'
大約我的想法有得食就食多啲係正確無誤吧。
最後一刻飲多杯壓力全消,搞飯局從來都不是易事, 特別是要求高的人,幸好今晚的old boy和lady M的幫助促成這美事,多謝你們, 我不會說今晚像上次吃一樣是年度之歌,但頭三位應該總會有的。
步出門口,見到這裡的午飯,反而更令我好奇, 如果吃這裡的神級傳說餐廳,old boy會處理得怎麼樣呢?希望下一世我可以做到這裡的Old boy那麼我便可以活於傳說裡吧。
皇仁書院舊生會﹝中菜部﹞
銅鑼灣高士威道120號
沒有留言:
發佈留言