2016年4月24日星期日

教我如何不愛這個十年冇見的老友

自肥腫難分以後,其實我已經好少食自助餐。

冇辦法,我係一個好為食嘅人,基本上有得食就會好唔抵得,如果你性格同我一樣,其實你好唔適合食自助餐。

近年,肥左好多嘅我就最怕食自助餐,以前應承自己一年最多食一次,因為真係冇咁多quota,往往俾左個價錢就要自己食到回本為止,快樂之口舌之滿足,但往往壞了肚皮。

上兩個星期,平時唔睇報紙嘅我竟然無端端看到Mr steak的自助餐廣告,又買四送一,慶祝十五周年巨獻,見我有十年冇食過,當再會舊老友吧。

五點幾,餐廳非常多人,嚇得我以為係晚飯時段,我還以為呢個時候會少啲人,估唔到大家都咁知慳識儉。

海鮮是每次都一定會講的項目吧,老實講,沒有生蠔我是有點失望的。




不過,海鮮嘅震撼還是補償了我沒有生蠔的不快。

來自波士頓的龍蝦當然是全晚的亮點,全部都大隻到不行,大部分仲要隻隻有膏爆滿的感覺。




蟹腳山的那種瘋狂,是你無法想像,每隻都幾粗又有大大條的蟹肉,還有海水味的濃,連吃蟹好懶的我都忍不住食左幾隻。

還有那些肥大又砌得好靚嘅青口和蝦肉,只是這部分的海鮮已經令你致命,如果唔忍得口,一定會食飽左。




麵包蟹又是食蟹膏食到傻,肉質唔多,不過呢個又係另一個回本必吃之選。





前菜的沙律和煙三文魚都不錯,還有凱撒沙律和不同醬汁的其他菜類,總之每樣都不錯。





魚生方面,有三文魚呑拿魚赤貝虎蝦帶子等等,壽司的種類也非常多,絕對沒有欺場,如果你食埋呢啲又係會令你飽到傻,應該不能繼續吃餘下落黎的熱食。






由刺身海鮮到熱食,當然要飲下湯解凍下,兩種不同的中西湯都有飲,蟲草花燩排骨比酥皮忌廉湯明顯勝很多,不過眼見酥皮忌廉湯去貨勁快,各人口味也真是非常不同吧。






海蔘扣鴨掌和蠔皇冬菇燴花膠也是必點項目,名貴又美味,回本熱食首選。




兩種咖哩,一個馬來咖哩牛腩,一種紅咖哩雞,也是標準以上。




清蒸比目魚較少見,那個魚肉非常的滑,加上蒸魚豉油,更加滋味。




瑤柱扒西蘭花就味道普通,但全部大大件,好吃與否見人見致。


椒鹽蝦好好食,送下酒的話應該會更好吃。



辣酒煮東風螺,又辣又好吃,我連個汁都忍唔住飲左幾啖。





還有那個壽喜燒,以日本和牛為主角,湯頭很甜,還有些日本野菜為配襯,日本和牛肉質甜美,滾到好似打邊滾咁嘅品質就是最好。




另一個主角就是韓國牛肉,煎過以後的韓國牛肉味道甘甜得很,那個牛味又強勁又香濃,絕對是熟食必吃的選擇。







熱海鮮還有粉絲煮扇貝和那個辣汁花甲,當然是味道好又新鮮。




還有煎鴨肝又是必吃的選擇,喜歡內臟的又點會唔食。

煎煮部分當然不少得羊扒,我自己不太喜歡,但對面的女友卻說羊扒都煎得唔錯。




最後吃的卡邦尼意粉,意粉彈牙還有那個卡邦尼汁絕對誘人,尤其是那個強烈忌廉味和煎得脆脆的煙肉。

還有那個甜品部分,傳情達意,你可以將自己的訊息寫在甜品上,個個都唔執輸,而甜品的那個心太軟也是做得不錯。




豆腐花也是幾多人鐘意食的項目,幾次去都好快搶購一空。



芒果慕絲蛋糕唔算太甜,但入口滑溜,好吃得很,還有芝士蛋糕都唔錯。




甜品櫃還有很多選擇,全部小巧玲瓏又精緻,什麼奶凍,慕絲,果凍,蛋糕,布朗尼,糕點等,你要乜味有乜味,女士天堂。




說真,四人同行一人免費到四月尾,五點鐘開始吃到七點只是三百多,食完冇咁飽住訓又可以去行街,我想大概是周末最好的perfect plan,如何不愛它呢。

當見到五點幾已經有人龍仲全院滿座,你可以看到這個牛扒先生多吸引吧。



Mr. Steak Buffet à la minute
銅鑼灣告士打道280號世貿中心6樓

沒有留言:

發佈留言