連續的復活節假期和清明節假期都陽光普照, 大概非常適合效遊遠足行山等活動。
可惜每年都是這個時候碰上電影節,基本上, 所有的時間都會在漆黑中的電影院渡過,陽光點樣燦爛的日子, 和我都沒有關係。
當然不是所有日子都是在影院中渡過,在這個清明節前的星期六, 看完電影後的一個下午,剛剛好有空來偷過時間來這裡下午茶。
可能你以為來到紅磡吃的都是通通茶餐廳漢堡飽米線牛腩粉那些地道 本土野,你不會想像到這裡也會有走高檔路線的afternoon tea。
一路不太喜歡afternoon tea的我, 當朋友說這裡有好環境好食物外最重要地點方便仲係室外地方的時候 ,久未接近陽光的我的確會覺得非常吸引, 當然難得係同兩位女士相伴更加是冇原因拒絕。
可惜,我想陽光燦爛的日子應該是不適合自駕, 大約係紫外光下應該要好好灑下太陽,食個tea, 就算冇去效遊也可感受到那接近夏日的氣息。
雖然我不是閨蜜,但我還是可以join佢地個tea, 難得係滿佈舊城舊大廈的紅磡舊區有咁舒服嘅地方, 綠悠悠的環境加上極大而露天的座位, 剛巧和今日的天氣做個極配合的朋友。
同埋最配合我口味嘅係呢個tea有一半以上係鹹點組成, 和平時三七嘅鹹甜分界線有明顯的不同, 對於愛鹹的男生一定係佳音,雖然個名好閨蜜但佢都有為男士著想, 因此今日有一半都係一男一女過黎食,剩係呢點好感分都加左好多。
佢present 個tea set 的方式都同傳統唔同,沒有那個經典的三層架,反而走特色路線, 大約是現在的afternoon tea一個共同風氣。
這個tea set 是SAV和Burt bees 的cross over 系列,明為雛菊閨蜜下午茶,很女性吧, 但我覺得佢係食物上面一點也不閨蜜, 我覺得兩個男人來吃也不為過,最多是上演多部春光乍洩。
就如一般情況我都會跟自己喜好去食,我都係會先食鹹點。 有機洋槐蜂蜜黑椒脆雞堡, 我想你大約冇諗過呢類tea會有雞食吧,仲要係炸雞, 甜甜的蜂蜜加上辣辣地的黑椒令你醒胃得不耐煩想繼續食落去。
帕爾馬火腿露筍卷伴薄荷茶啫喱,我想你冇想過呢個配搭, 薄荷茶啫喱令整個帕爾馬火腿和露筍的聯繫加強,如果外表再靚啲, 整個體驗應該更好。
我都幾鐘意有機橙花蜂蜜蜜桃龍蝦卷, 放入口已經感受到蜂蜜和花香, 但當慢慢品嘗的時候最後也會嘗到強烈的龍蝦味, 那股慢慢的蜕變過程非常特別。
香芒蘆薈帶子杯配柚子和有機向日葵蜂蜜也是幾清新的鹹點之一, 帶子加上柚子汁是冇得輸的配置,加上那個蜂蜜更加有新鮮感。
煙三文魚伴忌廉芝士釀西芹吃著感覺也不錯,只不過外表最不吸引, 但我不是以貌取人的人,吃落去才知道那個感覺真的不錯。
最後的有機洋槐蜂蜜椰子忌廉龍蝦酥盒也是不錯的, 只不過椰子忌廉味也不錯, 那個強烈而大件的龍蝦加上脆脆的酥盒令你必定喜歡, 這刻我想那個龍蝦酥盒可以大一點,我的胃口定必可以吃多一點。
鹹點絕對不錯,仲要普遍質素都好高,甜點又如何呢?
L小姐說的蜂蜜奶凍當然是最好的,不甜而味道自然, 蜂蜜和奶凍平分秋色的誰也搶不了誰鏡,絕對是不能錯過。
不過我個人最喜歡係那個蜜餞黃梅小甜圈,小甜圈煙韌無比, 蜜餞黃梅又唔係太甜,好好味,我想我是我太喜歡甜甜圈的原因。
原味鬆餅和提子鬆餅,有忌廉有玫瑰果醬和向日葵蜂蜜給你選擇, 當然鬆餅唔好寄望有文華半島咁好食, 但配合那幾個醬來吃也是不錯的。
乳酪杯配雜梅味道平平同雜梅較酸, 而有機橙花蜂蜜杏仁豆腐布甸也沒有前幾樣味道咁吸引, 最後吃的芝士撻就重回剛剛鹹點的神彩,相對來說, 鹹點整體都吸引好多。
但我最喜歡的還是那個有機玫瑰菊花茶, 茶香淡淡不會搶去大部分食物以蜂蜜為主的味覺,相輔相承, 就如今天的天氣,陽光燦爛,加上這個不錯的下午茶, 星期六的下午,為我們的三日紅色假期充電一下, 大約是最好的方法吧。
Amplitude
紅磡蕪湖街83號逸‧酒店1樓
沒有留言:
發佈留言