阿當的世界

首先，我想提下睇深水埗OpenRice 的你，如果你想食呢個北河街街市的芽莊城越南河粉的話，唔好意思，由今日到八月底街市都唔會開，因為內部裝修，我和弟弟來這裡下午茶的空歡喜一場。

我們倆也是求其食少少的人，因為電影節電影與電影之間的空檔，就是但找一間吧。

早上看戲前在那個英發茶餐廳叫錯了的茶餐，害我沒有得食沙爹牛麵，看到這間華南冰室，16對13對4，似乎普普通通，不過，沒有食沙爹牛麵令我周身不自在，就唔介意吃多一次吧。

看過開飯都有聽說這裡的蛋撻是還可以的，也因為呢個原因，我們兩個就坐下了。

入到呢度才知道，呢間茶餐廳真係唔係係人都接受到。

首先，平時的茶餐廳我想點樣都唔會咁率性和隨意，那些落單紙就如符咁滿地飛，我們坐近那個茶餐廳的開放煮食bar，餐廳的茶水就放在我們面對，全部員工都是阿姐，佢地態度就有如那個饗璫璫名震全港一樣的澳牛的員工一樣咁串。

當我叫完個餐後，我叫了我今朝冇食的沙爹牛肉麵，滿心歡喜之際，姐姐話:"唔好意思，唔記得左，今日好好生意冇哂沙爹"，然後佢將落單個張紙一下就掉左落地。

那刻，我明白點解周地都係紙了。

隨左侍應，每個客人都好隨意，可能全部是伯伯的關係，他們赤腳，他們會坐很久，他們當這裡是麥當勞可以訓一覺，餐廳有一兩個女人，但都是師奶，我在想那些說熱愛茶餐廳的香港女孩可以接受這情況嗎。

係絕望之際，我選擇了吃清清的雪菜肉絲，佢仲問我係唔係食麵，老細，邊有人會食麵送雪菜肉絲呀，你有冇去過跑馬地九龍城食雪菜肉絲，送米粉是常識吧。

於是送來的熱華田冇乜特別，只是正常的水準吧。之後在收銀台見到的那個奶茶的獎項，絕對是後悔也來不及。

那個煎蛋火腿沒有什麼特別，只是我忘記了叫炒蛋，不過大約那些工作的態度和環境叫我沒有信心。

麵包沒有叫也會給你多士，也算不錯。

食食下一半，阿姐話"喂，有卡位，你兩個去坐啦。"其實食到一部分都唔想轉台，我仲要坐係放茶水張枱，咁方便當然不想走，我話:"你鐘意啦，但阿姐話:"唔係你鐘意呀，我都係要你方便坐得舒服，唔鐘意冇掉啦。"

講到咁，還是乖乖就範。

食到那個雪菜肉絲米粉，可能真係食個好好食嘅雪菜肉絲，呢到真係冇特別，仲有最慘係個米粉煮得幾條過淋，但有幾條又好硬，才是致命傷，但總括來說，還不是太難食。

弟弟叫了的燴鮮牛肉意粉，將我從深淵中拯救過來，樣子叫做普通，但食落去卻很有驚喜。意粉有彈性，牛肉鬆化，那個燴蕃茄個汁非常配合個意粉，勝個雪菜肉絲米粉很多很多，我那個不愛吃的弟弟也大讚好食，如果你有機會，我想你應該要食下佢個燴意粉。

可能佢食意粉的關係，開胃到令佢好有興趣食個蛋撻，呢到蛋撻係絕對最出名的一員，連KC也曾經在這裡寫過食評關於呢度嘅蛋撻，咁當然唔可以錯過啦。

四元一個的蛋撻價錢上冇得彈，當然襯番深水埗個物價，蛋撻的酥皮有勁強的曲奇餅味，那個蛋黃香得很，最可惜是那刻不是出爐那刻的蛋撻，如果是那些燙口的蛋撻應該會是最好的。

整體食物來說不過不失，但環境真不是人人能夠接受，特別是女性，當你看沒有夏娃的情況，只有阿當，你也知道情況幾嚴重，還有，你應該只會見到大媽飲奶茶，唔會見到那些像文青look的女士飲咖啡拿著相機影相，對不起，呢度唔係個回事。

華南冰室

深水埗桂林街87號