開年,豐足

年初二，一家人一定要齊齊整整食個開年飯。

開年飯最重要有排場，雖然屋企人有時未必鐘意咁大排場，但最重要食得有意頭，豐衣足食。

本想好想同屋企人初二再來帝京酒店吃個開年飯，上次和朋友來吃個Pre新年飯已經十分滿足，無論排場意頭味道都十分講究，食一次絕對唔夠，雖然最後家人選擇食番盤菜，但就等我係呢度回味下個新春晚飯嘅美味。

先來個頭盤龍皇珍饈春日宴皇帝蟹肉花膠燴燕液，那個味道唔需要懷疑，蟹肉花膠來煲又點會唔鮮甜，甜美豐富又足料，就這樣漱過口，一定過一個肥雞年。

最重要燴燕液有時候處理得不好會好奇怪，但這裡的就是給你一流的享受。

新春菜一定要有撈起，這裡的龍宮撈起絕對係給你一個豪華級享受，刺身帶子、鮮鮑魚、煙鮭魚加新鮮的赤海老，加上其他必有的撈起意頭物，大家食完一定風山水起。

你睇到，全部都好正好新鮮，撈起高級版，一流。

另一新春菜為高湯焗原隻波士頓龍蝦，高湯鮮甜無比，剩係個名都已經令龍蝦成為意頭作品，龍蝦肥美肉質被高湯弄得像洗畢鉛華的鮮甜，食完又點會唔步步高升。

通常新春意頭菜都是較濃味的，不過這個柚子汁珍寶脆蝦球卻清甜的感覺，柚子汁伴著大大隻又爽口到不行的脆蝦球，話明新年，一定要盤滿砵滿，珍寶蝦球正合意頭。

戈壁蜜椒珍寶金蠔煲的大大隻金蠔係蜜椒濃厚的情況下，我想起了皇仁舊生會的那度名菜，有異曲同工之妙，如果你暫時吃不到皇仁舊生會，來這裡吃一口戈壁蜜椒珍寶金蠔煲一樣大叫爽皮。

吃了那麼多海鮮，一定要吃點菜幫助消化一下，啫啫菜煲的野性，我食完想再食，就如那些天生野性的食色性也之本能，令人欲罷不能，就如靚仔靚女點會唔得人鐘意呢。

今晚我地多人，所以選擇了係帝京酒店預備左個蛋糕一齊食做我們的甜品，粉紅「鑽」奇原來係紅桑子熱情果慕絲蛋糕，靚得來又唔會太甜，女性看到一定會極喜歡的可愛樣子，在坐兩位男孩都說好吃，原來更加比其他菜式驚喜。

吃得又飽又滿足，係每年新年的傳統，寓意深遠，來望全年都可以豐衣足食，唔知大家今年的開年飯如何，如果之後你地未諗工作上，朋友間，親戚們的開年飯，這裡絕對是一個好選擇。

就算來不到這裡吃這餐咁豐足嘅開年飯，希望大家雞年一樣新年快樂，開年飯食得高高興興，身體健康，事事順利，恭喜恭喜。

帝京軒 

旺角太子道西193號帝京酒店3樓