不準時的好

年三十晚，人人叫收爐的時候，我還在工作中，八點幾才放工，感覺不好受，但年尾流流，最重要問題解決，不過，可能你已經吃食飯，我今晚再和家人吃過年尾的收爐飯。

不過，呢餐唔係年三十晚食，係早左好多晚食。

我們媽媽那邊的家都不是正常的時間做節，一係好早一係好遲，好似今年做冬都冇食到，為了盡早食團年飯，早點約，完全唔需要煩。

家住西九，我們通常都是在深水埗長沙灣荔枝角等吃飯，今晚選擇了舅父說非常不錯的利星小炒。

六個人，大舅父和婆婆沒有來，叫菜自然可以新奇一點。

八點來到全院滿座，我相信這類的品質一定不會錯到那裡，西九龍附近就是最多這些小炒的地方，最適合一班人來吃，價錢又不貴。

坐底便叫你足料的招牌杏汁燩豬肺，湯頭甜到不行，足料事實放在你面前，不像其他地方例湯會好油，呢度完全係好似屋企煲一樣，家的感覺好濃厚。

先來個招牌炭燒燒鵝，全部都燒得皮脆肉嫩，那陣陣絲絲點點的炭燒香，還有那肥美的燒鵝肉，打開了我們的胃口。

黃金棒棒蝦，說穿了就是黃金蝦，不過換上另一個衣裳，就是新鮮感，就如夫妻間買的情趣內衣，喚起了大家內心的慾望，棒棒蝦較大隻，黃金蛋黃味濃又香。

冰梅㰖角骨，以冰梅醬炒腩骨，那個甜酸味度分明又剛好，不過腩排有點肥，所以唔係個個接受。

海皇一品菜，又叫一柱擎天，上場的一刻，氣勢如虹，翠綠豆苗加不同的海鮮，撈起來完全係那個撈起的念頭，就是今晚我們家人的期待，團年飯，就是意頭取勝。

新年氣勢如虹好重要，看到人家叫的招牌鐵板火焰蟶子王，看到已經覺得勁，叫了兩隻大大隻的蟶子，係你面對，燒到燒紅火綠，異烈地彈琴熱烈地唱，又點會唔食得喜氣洋洋。

招牌的小炒王是試這些小店的最好測驗卷，不過小炒王料多得來有點鹹，送碗白飯就最好。

我們都係飯筒，叫了個荷葉籠仔海班飯，呢個飯價錢雖有點貴，但係海班同飯比例差不多係一比一，海班啖啖肉又冇乜骨，炒底飯沾上了海班的魚香和蒜香，叫人吃得高興，就算我地幾個飯筒，都吃不完，你可想而知幾大份，值回票價。

最後還送上甜品炸蛋，幾驚喜，不過油份有點多。

不準時吃團年飯，就是能避開人潮，能夠舒適地吃一餐快樂的團年晚飯，難得我們今晚冇吵架又食得高興地團年，冇人遲到，冇需要好辛苦夾時表示，冇話餐廳有問題，所有安排是最好，員工服務好，地方又舒適，有時候，不準時，結果原來有時是更加意想不到的好。

利星火鍋海鮮小炒 

深水埗福華街151號地下