記得從前小時候拍拖追女仔,情人節打邊爐,聖誕節吃中菜, 元旦吃星馬菜,就如梁靜茹說,其實愛對了人情人節每天都過, 於是這些Non西餐都是我常常推薦身邊朋友在這些特別日子的好介 紹。
憑藉特別日期更加的想你,重要的是你,吃什麼又有關係嗎?
這個有點特別的日子,本來是一大班人吃晚飯的時間, 本身還想去吃大閘蟹的水尾,但突然身邊有朋友身體不適, 臨時取消了飯局。
大閘蟹吃不成,又想起這個原來是有點特別的日子, 周圍又訂不到位,你會選擇吃什麼呢?
我當然發揮本身的小宇宙,吃一點價錢實際而好食的菜色。
尖沙咀的泰園去過兩次,每次吃親海鮮都非常有驚喜, 而且都幾抵食,而且質素又唔差, 多得openrice新餐廳的notification, 看到灣仔有新分店開張,不用過海就有得食,最重要唔駛諗。
青檸梳打,完全唔會有誤差的一個飲品, 最好係多甜少甜你用自己喜歡的感覺來判定。
另外叫的蜂蜜蘆薈茶就真係唔係個個喜歡,至少那種味有點假, 還是叫青檸梳打呢類飲品最大路正宗。
蟶子刺身,絕對是人人喜歡的海鮮種類,凍食又係另一番風味, 鮮味滿佈,配合豉油和wasabi,一隻真係唔係幾夠喉。
食泰國野點可以唔食生蝦刺身, 這裡的生蝦刺身一定和九龍城的絕對有力爭一日之長短, 那個刺身剛剛好的質地溫度味覺,都是最佳的品嘗時刻。
泰國菜必點通菜,就算冬天沒有那些粗大的中國通菜, 都有泰國的馬拉盞炒通菜就是最好的選擇, 細嫩的幼通配合火辣辣的泰式馬拉盞菜,惹味動人。
本身好喜歡冬蔭公,吃個兩次這裡的冬蔭公都對辦就當然要再叫, 料夠足,味道夠酸夠辣,也沒有什麼地方可以投訴。
我其實係一個好懶嘅人,我成日都好鐘意叫啲乜併盤乜併盤, 本身想叫燒物,記得都未試過叫燒大頭蝦,於是想吃一下, 誰知看到呢到有個燒烤併盤非常吸引, 大家唔係非常飽的情況下就叫了這個併盤,燒大元貝,燒蜆, 燒大頭蝦,燒魷魚,海鮮愛好者必會找到你喜歡的好味, 一班人叫最適合。
最後的泰式青咖哩炒河,不會中式一條條的那種, 而是泰式一塊塊的那種河粉,誰知這種河粉發揮更佳, 吸盡所有青咖哩的精華,配料又多元化,絕對係非常討好。
基本上你說得出的泰式食品都有,而且樣樣質素都精緻又味道中上, 有時候,用呢個價錢你可能係西餐地方食到一啲普普通通的晚飯, 但這裡你已經可以豪華吃一餐勁嘅晚餐,或者, 如果你也有些特別日子, 你也可以憑藉特別日期更加的想吃一點泰式的美味吧。
泰園
灣仔軒尼詩道256號The Hennessy3樓
沒有留言:
發佈留言