愛小鮮肉的十種人

多得Instagram ，很多幾特別的餐廳，就算幾唔顯眼，幾唔鐘意睇字都好，你都會留意到。

一客像滑蛋日式咖哩飯，叫尋常的西灣河街角風起雲湧時，在Instagram人人都放上一記滑蛋飯，幅幅精美，你驟眼睇以為食Coco咖哩屋，原來當你了解後，它只是街角下的一個一店。

當朋友也說看我的食評說介紹的都是貴野時，我想你們應該會喜歡這裡。

如果你是以下一種人，你都會特別喜歡：

1.女人

店家的負責人，我唔知佢乜名，冇搭訕，暫叫佢小鮮肉X，因為男人撩男人，好基，但我想推薦，煮得一手好飯的他，都幾靚仔，重要係佢好大隻，名乎其實，係一件小鮮肉，那肌肉，實在是健康的性感，那些肋肉在汗水和煮食間非常性感，女人去食，視覺效果享受一流。

2.奶茶愛好者

唔係話劉若英fans，不過如果你真心喜歡熱奶茶，這裡喝一杯奶茶，絕對提神醒腦，好喝的程度直逼大坑的炳記，那種絲絲的茶香，係你味覺間溜走，茶香細膩入微，奶和茶的比例絕對係如這裡的X一樣，令人心悸。

3.窮撚

就如我，三十五元有飯加飲品，係大古城食親都過百的情況下，呢度可以將食飯過程轉換成三次，還要將享受乖3，就如同那些男人喜歡享齊人之福，特別起兩飛三飛的窮撚滿足過癮，又平又抵食，女性更開心，食三次，你眼睛都食三次雪糕，何樂而不為。

4.志明與春嬌

如果你們和他們一樣都是煙民，在街角的華記士多，是可以食煙的，你喜歡一路食飯同食煙，係呢度就fit到爆，今時今日，呢啲地方，絕對值得推薦，我想，會不會有如志明與春嬌的愛情故事係度發生。

5.愛蛋

這裡的蛋包飯，絕對係精品，整個蛋包都做得很漂亮，當你拆開個蛋，你就發現X的細心，煎得又薄又滑又漂亮，你會發現，呢個蛋真係好好食。

6.愛咖哩

這裡的咖哩唔算太辣，但近乎日式咖哩的辣是人人應該都會容易接受，特別女孩子，睇住X的小鮮肉食，特別快樂。

8.愛炒飯

蛋包飯包著的是炒得粒粒靚的炒飯，又熱又溫暖，叫個時候最好，冬日食個飯，我覺得特別溫暖，夏天就可能差少少，但炒飯絕對簡單的美味動人。

9.愛牛肉

蛋包飯裡有的是牛肉，有時候，這些茶餐廳碟頭飯的牛肉可以是極級的災難，你以為呢度三十幾蚊的話就是普通無比的話，唔好意思，呢度牛肉煮得剛剛好，沒有太老，沒有韌到假牙也咬掉的高水準。

10.三文治

吃第二次的時候，我知道這裡有另外的一寶-三文治。三文治烘底是這裡的出色作，最受歡迎的蕃茄芝士蛋多士沒有了，只能求其次的芝士火腿三文治，當然外表平庸，但也絕對是不錯，沒有蛋包飯的驚豔，但絕對也是不錯的下午茶小品。

小鮮肉X先生絕對是近年都幾神級的水準作，係平靚正的水準，近期推薦，值得連太安樓連成一景點，最重要有視覺享受，三十五蚊又食又拎，我真心希望呢間野可以係度hit下，至少，紅一下吧。我相信，無論你喜歡什麼，小鮮肉的十個好處你總可以享受到一二吧。

華記士多

西灣河筲箕灣道48號地下3B號