大丈夫

唔賭唔知時運高，唔滾唔知身體好，如果你睇個彭浩翔嘅<大丈夫>，你一定會聽過呢兩句金句，我好少賭錢，原因係曾經我係馬會做過，電話投注的工作會令你見到好多奇形怪狀的人，然後我會好怕好怕那些爛到賭到不行的人，佢地大多不可理喻，而且心理都只係得一個賭字。

我唔鐘意賭錢，不過我覺得馬場絕對係一個好有特色好有氣氛嘅地方，有個朋友佢爸爸係馬會會員，基本上佢成日都可以book 包廂坐，我次次都叫佢帶埋我去見識，次次都撞時間冇乜機會。去年，幸好去過一次跑馬地的馬場食過飯，感受過震撼，個次睇夜場，雖然冇賭錢，但那氣氛一流，於是成日都好想去沙田馬場再次感受下個氣氛。

難得星期六有機會有幾個朋友去沙田馬場，book左喜馬當先，自係馬場電話投注冇做之後都已經冇再去過馬場的我，唔駛問當然會去下啦。

這個喜馬當先係沙田馬場其中一間餐廳，好decent ，好典雅，我點解咁有印象？之前係openrice見過個好grand 的bar 枱，我想起了那恐怖電影閃靈（the shining)，不過，當然呢度grand好多同埋冇那恐怖感，有的只是馬迷和美食。

自助餐點少得有任吃的海鮮呢，烚海蝦，東風螺和青口都係不錯的選擇，當中最好吃係大大隻的烚海蝦，隻隻都有膏又肥美。

刺身有三文魚，呑拿魚，北寄貝，甜蝦等等最基本的選擇，馬會真係馬會，放哂係枱面，你食得哂就有幾多攞幾多，大部分的刺身都中規中矩，以半自助的價錢，絕對交到貨。

凍肉盤，類型有幾款最common嘅腸呀火腿呀，而且賣相都唔錯，不過我食都唔算多，反而focus係沙律上。

沙律菜都算幾多，幾種凍冷盤都幾好食，特別推薦蘑菇類的沙律類，而沙律醬中的千島醬和麵豉甜酒汁亞麻籽油醋汁特別令人開胃又醒神，要賭馬一定要食多啲醒神啲。

十點起身，十一點幾十二點就黎到，冇食早餐就一定要食呢度嘅奄烈counter ，蛋煎得好滑，那些奄烈仲可以有芝士，青椒，蕃菇，洋蔥等應有盡有，包你可以食一個豐滿的late breakfast ，我就好唔客氣食左兩件奄烈，幸好沒有賭馬，唔係好易心臟病發。

當場有人煮法式焗田螺，剩係影相都加分，而且任攞唔嬲，仲要焗田螺都幾大隻，絕對不是等閒之輩，食兩round都回本之作。

主菜方面，有好幾個選擇，當日的special係龍脷柳蟹肉卷伴香煎大蝦配柚子醋汁，呢個名乎其實配合番賭嘅主題，魚蟹蟹乜都有， 用一塊一塊的龍脷柳圍著新鮮滿有蟹香的蟹肉，還要有一隻爽口的大蝦，加上一些青瓜和露筍做點綴，樣子精美之餘仲要好食，那個柚子醋汁還要酸酸地勁得人鐘意，難怪係hay market special 。

我還吃了那個紐西蘭燒羊扒燴大蒜，忌廉焗薯紅酒羊肉汁，呢個以羊黎講唔錯，味濃而且配菜忌廉焗薯做得特別好，不過對比起頭先個主菜，我喜歡魚蝦蟹多一點。

甜品好少留意的我因為朋友介紹都食左幾件甜品，當中番石榴熱情果餅條特別得我心，味道配搭口感都清新，而泡芙，咖啡芝士餅，咖啡三重奏都係不錯的推薦。

係成餐飯之間，還有不停的生果汁任你飲，老實講，如果以四百鬆少少價錢可以食到咁多嘢，仲要全天候現場或電視有馬睇，實在平到笑，如果唔係大丈夫，唔識賭馬，呢度仲會力好多靚女係度教你賭馬，絕對幫到你試下係唔係唔賭唔知時運高，我個朋友，佢好鐘意呢度嘅賭馬補習老師（全部都幾高質靚女），試唔試到唔滾唔知身體好（唔一定係滾嘅，就如我朋友未結婚，佢用呢個方法結識下新朋友而己），就真係要睇你夠唔夠大丈夫啦。

喜馬當先 Hay Market

沙田馬場第二座看台二樓