家人是我們最珍貴的東西,如果有睇過下小弟的食評都會記得, 我係巨蟹座的,如果你對十二星座有些了解, 巨蟹座的特色係什麼都以家人行先,什麼都會為左家人著想, 這幾年,相機食先的風氣慢延到去家庭的老一輩, 舅舅也上openrice,姨姨又喜歡和同事周圍覓食, 表妹和媽媽當然是韓國菜的迷, 只是還欠七十多的婆婆未識openrice吧, 而家食飯彷彿是我們家的一個共同語言, 這應該是謝謝openrice相機食先的一個強風氣, 讓我們一個人可以共同和諧討論。
我可以告訴你,要咁多個麻煩的人食一餐滿意的飯,係好難好難的。
你知啦,家家有本非常難念的經,媽媽非常腌尖腥悶,表妹有個性, 舅父沒主意又會難下決定,弟弟口味勁難捉摸, 每次食飯都會搞場大龍鳯,因此,我有時都怕同佢地食飯, 前陣子姨姨說開曾經和同事吃過觀塘私房菜非常好,說到眉飛色舞, 但也說不出名字, 對看開openrice當然知道不出好運和御膳之爭, 沒有聽過瀨尿蝦就知應該是講御膳了吧。
大家一齊睇下相睇下食評,媽媽都說好吸引仲主動話想去, 又難得人人都說舉手贊成去,當然成行啦,於是做下功課, 大約預留了不少菜式, 本身第一次吃的時候知道有像omakase的神秘餐就好想試下, 但我這家人應該接受不了這樣的驚喜,於是我還是乖乖做功課吧。
提早半個月的晚飯,的確係有點難找的地方,幸好媽媽沒有發脾氣, 弟弟又乖得很從屋企送了她到餐廳, 連我兩年前吃過一次都有點覺得難找,幸好,大家都成功找到, 周中的晚上八點都齊人可以開飯。
麻辣鹵水大拼盆,有麻辣金錢肚,麻辣豬大腸,麻辣手撕雞。 呢個開場白絕對係非常適合,開胃無比, 全部都係以辣辣的麻辣主題貫穿整個併盤,當中我最喜歡金錢肚, 辣得黎又令人唔難以接受,豬大腸唔算係十分肥, 中間都有少許的肥膏,我自己就會接受,不過家人都是怕肥, 還是喜歡金錢肚多一點,而手撕雞相對辣味唔強,最易接受, 亦都係最快清袋的一個餸。
砂鍋大魚頭豆腐湯,那個魚頭大得有氣勢,甜到不得了的湯頭, 仲要有從來小時候婆婆煲魚湯都覺得很甜的家庭味道,一點也不腥, 仲有滑滑的豆腐,相信冇乜邊個會唔喜歡吧。
菊子魚,你聽個名真係估佢唔到會係乜野, 不過你唔會估係一種魚類名吧?佢其實係沙巴龍躉, 只係用了自家的方法做搞呢條龍躉, 首先將魚起肉成舊舊大件的魚柳,再用柚子汁灑在舊舊魚柳上,媽媽係好懶嘅人,佢最鐘意呢啲啖啖肉的菜式, 沙巴龍躉一路都是我的最愛,爽口又好吃, 不過如果連埋沙巴龍躉去整,應該會更惹人垂涎。
叫了兩隻大肉蟹,呢度處理蟹嘅方法都算幾多, 而且方式和平時你吃開有點不同,大肉蟹可以選花雕雞油蛋白蒸, 避風塘炒,薑沖炒,胡椒炒,四川香辣炒,古法蒜子炒, 梅子果皮蒸,基本上係平日食開的方式也有。 本身想叫四川香辣炒同古法蒜子炒,不過, 和家人食飯就係唔可以叫新奇事物, 還是最穩陣選花雕雞油蛋白蒸和避風塘炒兩大隻的大肉蟹吧。
花雕雞油蛋白蒸大肉蟹當然不能和大班樓比較, 但花雕和蛋白的香氣同肉蟹絕對是蒸得剛剛好,送飯絕對一流, 當然以價錢相比,呢個抵食有餘, 大肉蟹難得也沾上了強烈的花雕味,連殻連肉都有那種絲絲的酒香, 好吃的也不用要用很貴的價錢同去到有名的地方才吃到。
而避風塘炒肉蟹當然是惹火又引人入勝, 肥大的肉蟹配合其避風塘的辣辣炸蒜蓉,就咁送飯已經一流, 肉蟹又沾上火辣辣的野性味道, 剛才吃的如果是家庭主婦的愛心飯盒, 那麼這個是那些小三和你在外面吃的刺激快餐,兩個世界, 兩個感覺,你愛那一種悉隨尊便。
蒜蓉粉絲蒸特大蟶子王,這個應該是all time favorite ,是中國人海鮮智慧的大成,今晚做得不錯,每樣都水準穩定, 無論粉絲,蒜蓉,蔥花,豉油,蟶子都各有各的做其本份, 你吃到絕對是一個不錯的蒸蟶子王, 只不過如我挑剔可能會覺得蒸得耐左少少, 如果蒸少啲時間可能會更佳。
踏雪金巢,呢個個名好靚,說穿了其實以金勾翅,瑤柱,蛋白, 和芋頭造成雀巢, 雀巢上面就是以椒鹽方法去製成多種不同的菇類食品, 然後金巢下有蛋白,媽媽和弟弟喜歡炸野的重口味就吃得興奮無比, 我就較喜歡以蛋白送椒鹽的菇類和雀巢, 始終我不是太好這樣的重口味。
士多啤梨骨,姨姨就是最喜歡這個菜, 那個士多啤梨的味一點也不化學,完完全全滲入落個骨裡面, 每啖肉都可以有點士多啤梨味絲絲流出,簡單冇什麼複雜的手法, 就簡單把美味帶來送到你的味蕾。
經典富瑤炒飯,我們家人係好似黑洞一樣,食極唔飽, 於是這個每枱必點的炒飯當然是座上客,由南非鮑魚,瑤柱, 金華火腿再加上自家的秘製醬汁製作而成, 蔥花多得很就如博多拉麵般的香,每粒炒得煙韌有點兒焦香, 套用他們那一套粒粒靚,份量雖然大碟, 但我們一家人的力量完全沒有難度,吃得高興又滿足, 很少看見媽媽,舅舅,阿姨等等個個都喜歡吃而吃得沒有投訴。
我說過家家有本難念的經, 我係得呢個家庭長大都知我是一個多麼麻煩的人, 我冇菜食始終差少少,於是叫多了個蒜蓉炒西蘭花我自己吃,當然, 完全沒有什麼差馳,無論海鮮,肉類,菜類, 湯品和煎炸品都做得不錯, 這個家庭式的私房菜絕對係值得我第三次光顧。
最後的菠蘿鳥,賣相非常華麗, 用上多種不同的生果也令人非常的欣賞, 特別喜歡其菠蘿係鮮甜得很,由前菜吃到生果都咁心機滿載的一餐, 我最開心唔係食到一餐滿足的菜式,反而是好好的服務, 用心的手法和煮功,讓我這麻煩的一家都食得開心而高興, 這對我來說特別有意義。
我想我未試過感謝一間餐廳,謝謝你,讓我今晚的經沒有這麼難念。
御膳 Imperial
觀塘敬業街65-67號敬運工業大廈12樓F室
沒有留言:
發佈留言