樹熊の食桌: 我的野蠻媽媽

2015年12月6日星期日

我的野蠻媽媽

有前因，就有後果，上次媽媽看過我的炸雞照片，佢又吵又鬧要試吃炸雞，佢話成日見到有河知雲嘅韓劇都食炸雞，好想感受下，而我不知道河知是誰，只係知道全知賢係星星到飲啤酒食炸雞。

我唔知佢係邊到學左啲咁嘅習慣番黎，但係睇韓劇睇到佢咁入神，有啲嗜好，都係好事，而且俾個機會我帶佢食飯，因為佢話要食炸雞。

難得佢指明要吃什麼，就是一件幾好的事，還記得個次佢叫我選擇一間韓國菜，我和她去了一間米芝蓮recommend 的韓式餐廳吃飯，叫了個部隊鍋，佢怪到我今日，話我點解叫呢啲咁嘅野佢食，我完全唔明白有乜唔好食，大概原因係佢冇係電視劇睇過人食部隊鍋。

表妹係一個熱愛girls generation 的中一女學生，佢知道我同佢姨媽食炸雞，佢二話不說，平時怕我怕到不得了都要同我地食炸雞。

下午茶，四點多的星期一下午四點，完全沒有人，和上次五點幾六點多到不得了的尖沙咀分店，正到不行，如果想食又唔想排隊，大可以考慮下呢個時間。

三個人，以我上次吃的經驗，一個炸雞，兩個小食，應該差不多吧。

但飲品還是要叫的，鯊魚之涙，Shark blood Rita ，呢個係絕對呃like 的作品，我表妹呢啲後生女特別喜歡呢啲咁靚嘅飲品，順應潮流，你係openrice應該見過幾多十次，我覺得我飲完感受到的是從前思樂冰的氣息，揸車的關係，我飲冇酒精版特別有小時候的回憶。

媽媽叫了我推薦的Somersby apple rita，menu寫係蘋果酒加上酸甜清爽沙冰，佢話係新革命，當然沒有什麼革命咁誇張，但好喝清涼解渴有少少酒精的感覺就一定提供到，我上次飲都知唔錯，今次媽媽飲都讚好，證明呢個飲品雖是酒精，但男女老幼都適合。

韓式炒粉絲雞蛋卷，呢個係一個新嘗試，你一定吃過韓式店的壽司，但你有冇試過唔係飯係裡面呢？外層的雞蛋包著的是粉絲，酸瓜，餐肉，蘿蔔，青瓜，那感覺真係幾新奇，配合韓式風氣，你必定找到新鮮感，而且咁多件的雞蛋卷，你一定吃得滿足，特別我的野蠻媽媽，吃得很愉快，看到她滿足的眼神，定以為自己是韓劇的大媽女配角，可惜我不是河知雲。

蜜糖咖哩烤雞，甜蜂蜜上加咖哩，烤雞得外脆內軟，呢個係新口味，上次係尖沙咀食都冇。雞的確好似佢promote所講，食落唔會覺得好肥好油膩，吃得叫人覺得非常過癮。比較上次吃的經驗，我還是喜歡那基本的韓式炸雞，懷念那個韓國特有之青陽辣椒味，但又係個句，呢間分店新鮮感滿分，而且我的媽媽媽也十分喜歡，食到津津有味，連我個表妹都係食到停唔到口，大讚甜甜的雞腿非常得佢歡心。