難忘原因? 我會說食物好,和兩位女士食飯成日見都日日有新內容, 然後最重要是遇見好餐廳。
如果你是一位男士,你可能會想,和兩位女士吃晚飯, 通常你都會覺得你會係最食得那個,但有時,可能一間店太好吃, 大約女孩子也會像花木蘭,織織復織織唔係女孩的專利。
上次五男一女食過一次串燒後, 我還記得在大坑那個晚上吃了七八千蚊的奇蹟, 就知道叫串燒一定要食得快樂,千萬不要左顧右盼, 吃得高興才是重點。
今晚,這兩位女孩推薦了多次的醉串, 我終於可以一試其廬山真面目了。
Hoegaarden ,為瘋狂的串燒夜展開一個序幕,又點少得啤酒, 呢度有1L的任你飲,又平又抵飲,送串燒一流。我同D一人一L, 豪氣蓋天。
原板海膽刺身,你唔好以為呢度主要剩食串燒, 呢度都有少少刺身供應,呢板海膽價錢就如係外邊一些刺身店的般, 但這裡的質素高級很多,沒有如外間一些出水海膽, 鮮甜有層次得好多。
沙律,簡單的沙律,無驚喜又無驚嚇,如果不喜吃菜可以不吃。
大大隻的牡丹蝦刺身,你沒有想過吃串燒的地方可以吃咁甜美的牡丹蝦, I小姐不吃生刺身,我和D繼續頑強和大蝦搏鬥。
麻醬冷豆腐,呢間繼續前菜的冰感誘惑,唔錯的前菜。
火焰鵝肝,美味到不行的脂肪肝,是很難拒絕的, 我那刻忘記了我自己本身都有的脂肪肝,吃下去,快樂到死。
燒大蔥,燒茄子,燒韮菜,燒蒜心,燒栗米, 全部都係由冰天雪地來到火辣世界的伊始。
燒鱔,外皮燒得很脆,燒鱔肉又很軟熟, 不過當然不是太肥美的鱔類,配合啤酒,是令人沉醉的溫柔鄕。
免治雞肉串,燒得香而有啲軟骨係雞肉夾雜其中, 仲有隻蛋係度俾你點,點幾下是實實在在的串燒風味。
煙肉荔枝卷,我喜歡的是其荔枝的清新配合那個燒得香脆的煙肉, 互補水份。
豬骨湯手打烏冬,我喜歡食呢啲澱粉質,手打烏冬非常煙韌有致, 配合濃濃的豬骨湯被手打烏冬吸收的精華,我吃了兩淡後十分喜歡, 不過I小姐同樣和我般喜歡,兩啖已經KO,這是我欣賞的豪邁, 好過有啲女仔係你面前扮飽然後回家吃杯麵。
塩燒松葉蟹腳, 呢個係今晚最最最最最最最最最最最最最最最好食嘅一件, 我冇記錯我應該食左三條,我好少食燒得咁好食的松葉蟹棒, 每啖肉都食到啖啖的蟹味,而且一般松葉蟹棒彷間都是細細條, 但呢度棒棒有力,我地encore叫左兩次, 你們來到一定要叫就是了。
塩燒油甘魚餃,同樣方法,燒的東西不同, 這個油甘魚餃魚肉就真係如魚面珠般滑又滑,油份強, 你喜歡魚油的味道和感覺一定喜歡。
燒菠蘿,非常的甜美又juicy, 唔會好似出面一些地方把菠蘿燒得又乾又死氣沉沉, 這裡的甜得黎又活潑生氣得多。
辣酒煮花螺,坦白講,我都算係接受到辣,但呢到嘅辣真係好勁, 我兩粒就駕御不了,但聽店員講有四個女仔曾經食到兩碟我就知道, 女仔真係唔可以睇少。
燒黑松露牛油帆立貝,呢個又係極度推薦, 大大粒的北海道原隻帆立貝係你面前,加上黑松露的鮮味, 坦白說那個配搭無得輸,燒得剛剛好的帆立貝帶有極重的黑松露味, 好此道者必喜歡。
燒秋葵,配合醬汁,那個軟綿綿的秋葵絕對可以幫助消化, 為了一會吃更多的海鮮準備。
燒珍寶海虎蝦,佢豪邁樣子叫你吃驚, 野性的醬汁配上大大隻又爽又精美的虎蝦肉, 你吃完一隻會忘不了那簡單的滋味。
煙肉海膽燒原隻蠔,我曾經在S2都吃過類似東西, 估不到今日又見到,呢個係煙肉影響下,味覺更香, 海膽和蠔當然是絕佳重口味配搭, 但加了煙肉去燒的那個效果更raw更有佬味,一口吃下去, 真固銷魂。
越夜會唔會越有機我唔知,但係食得越多就係不爭的事實, 就如花木蘭,長征的結果,係越戰越勇,今天等我來, 就係要告訴你有時候吃串燒,真係會好食到停唔到口。
棉花糖夾餅,老實真係唔欣賞,可能之前的太好,呢個真係冇特別。
焗棉花糖朱古力跟餅乾,呢個係呢排幾潮嘅甜品,不過我好麻麻, 女士就食得好開心,我就寧願吃多串燒秋葵。
兩女一男,一個嬲字,我地卻完全沒有一點不快,全晚食下了幾轉, 全因好味到停不到口, 女孩子也受不住串燒的本身優秀而不停食食食, 做左個戰鬥力強到不行的花木蘭, 大約巾幗不讓鬚眉是我今晚真心相信的, 也怪不得她們來了兩次也願和我再過來吃, 大約串燒戰場絕對唔係男孩的專利吧。
醉串 Skewed
銅鑼灣謝斐道440號駱克大廈B座C2地舖
沒有留言:
發佈留言