T和我雖然認識了不久,我們因為開飯而相識, 大概應該接近一年的時間吧。
她和我應該有幾個代的鴻溝,對於她的年青,對於她的習慣, 對於她的愛好,我不太了解和明白,不過,因為食這個共通的話題, 我們做了好朋友,雖然中間吃過不下幾次的飯, 但我十分欣賞她的文筆和率直的爽朗,上次還記得她的短聚, 令我想起那個蘇博文的年代。
那一天我們會飛雖已經過了氣,我也已經過了能夠飛的年代, 如今T真係要飛了,她將會去龍紋身女孩的國家exchange 半年,是晚,我和D先生兩位叔叔就和她來個告別晚會。
選的地方是非常麻甩味重的地方,T小姐擁有最好的女性性格, 夠男性化,食乜都得,於是我們便選了入冬最適合吃的東西。
之前睇雜誌看過位於筲箕灣的這間祥囍煲仔小廚, 是剛剛區內新張的,老實說,我覺得係膽大之作。 這區已經有出名到不行的珠玉在前, 煲仔飯食到街知巷聞的小廚就在附近,正因如此, 我更想知佢有乜把戲。
剛好冬季感強勁的夜晚, 我想煲仔飯作告別令佢可以和香港食物見多個面, 絕對是對得很的菜式。
約定六點多的晚飯,有人遲到了,但幸好遲到,因為好難搵, 你唔會係個地址找到呢度。
其實鋪頭係大廈後面,如果你正常係愛民街搵,呢世應該都搵唔到。
係大廈旁邊小巷轉入,或者係柴灣道間日本城轉個彎, 你見到有啲食肆嘅燈光,行入去就係啦。
像是土瓜灣鴻福般,你會驚嚇, 條後巷點解有咁多間食肆又有咁多人。
六點幾已爆滿,我想,今次選的這餐廳應該錯不了很多。
黑醋骨,樣子完全不討好的,我想唔會有女仔鐘意, 但T就是那麼的男人味重,酷愛這個較易送酒的美食, 大大舊的骨都算多肉多汁, 不過味道完全因為黑醋的強勁氣勢而令那肉的肥膩感冇咁強, 加上酸酸的洋蔥,送酒一流。
可惜今晚揸車,我冇得飲酒,結果以茶代酒。
豉椒炒蜆,外表唔算特別吸引,但吃下去卻是今晚的最大驚喜, 炒蜆唔算大,唔算小,但放入口完全是大蜆有的鮮味和滋味, 蜆肉沒有因小而炒得乾身,細細粒都有的Juicy, 不過辣得狠勁,碟中散播了辣椒的芯,而青椒,洋蔥,紅椒, 各花入各眼,我全部都咁鐘意食。
而且最鐘意係蜆肉好多,粒粒都靚,貨源必定新鮮無比。
煎封龍脷魚,個氣勢非常有霸氣的感覺,好少原條龍脷魚咁煎黎食, 通常食龍脷魚柳的我都覺得幾特別。睇樣都知煎得好香脆, 加上浸著類似蒸魚豉油的感覺更加少見而且有新鮮感覺。
沒有留言:
發佈留言