這一間是在我口袋名單中想去很久的一間餐廳。
名人方向哥曾經在自己個blog力讚過的一間餐廳, 當然這裡一樣方向哥說的香港般沒有宵夜提供,但就blog所見, 方向哥喜歡這間餐廳的原因係呢間茶樓提供的係中國人最經典的飲茶 藝術, 那濃厚的香港氣息配合了其座落在彌敦道一個人人曾經經過的位置, 食家讚好的蝦餃,燒味,炒物,令我好想好想慕名來朝聖一下。
我想這裡的歷史是你經過就會明白的。
過門而不入應該有過百次, 可能是緣份令我這隻蜻蜓從未在這裡到過地點過水。
二十五號的聖誕日子,你知道在這些假期人人都會飲下茶食個飽, 我估應該到到都爆,我冇做好假期策劃,冇得食好西, 那些什麼明閣唐閣早已爆滿,一位難求,然後,突然想起你, 試下有冇得book位,點知佢係聖誕日上演懸疑的電影,佢話: 唔係咁多人,落黎試下等位。
那刻我又想不到吃什麼,沒有A計劃的情況下,就不如恭敬從命, 試下老字號會唔會多人。
於是就來到了彌敦道歷史悠久的頂好海鮮酒家。
來到等左十分鐘,終於有枱,聖誕大禮物,冇book都咁順利。
但坐底後才發覺,呢度只係八成滿,有點大惑不解, 原來它不夠愛我,原來我坐後備座, 我只能估大部分是訂位吧安慰自己吧。
每枱送你的wifi,有令我懷疑過這酒家是否日落的班霸, 為了做遊客生意先有呢個動作, 於是有得食下午茶的我選擇做一隻點水蜻蜓,只點了少少野食, 主力以嘆茶為本。
前菜張張枱都送,人人都有呢個酸薑皮蛋,當然味道幾好, 絕對唔係免費就普普通通將皮蛋給你, 流心的皮蛋配合那酸酸的子薑,雖然樣子普通,冇諗過咁好食。
青瓜雲耳,麻油味勁重把青瓜雲耳都浸得非常起勁, 青瓜的爽朗和雲耳的彈牙有力, 你會覺得呢個前菜絕對係和酸薑皮蛋一樣咁吸引, 只不過呢個係要俾錢的點心。
這類最有名的就是蝦餃,我當然要叫一籠黎試下啦。 蝦餃的皮是剛剛的適合,唔會太厚好似包皮咁, 又唔會好似一啲001咁驚一整就穿, 加上這裡的辣椒醬就是最識食的方式,咬開那個蝦餃皮, 大大幾隻的蝦肉就係裡面,每粒蝦都是爽口到不行, 每個細節都係一絲不苟,以我經驗,點心做得這樣的話,果然係典型 的酒樓的風範。
還有,我想你很少去過酒樓會係按時間來出食品,未到法定時間, 唔出就冇得食,那刻想叫燒味飯但原來未出爐,肉絲炒麵, 係家人的必選項目,幸好,這裡的肉絲炒麵做得幾好, 芽茶肉絲蘿蔔冬菇加上那幼細的炒麵,我吃了兩碗都不夠, 特別係餸多過麵,足料又足味,我特like。
京式叉燒飽,我應該未試過吃這種京式的叉燒飽, 像個大雞飽般的叉燒包真係唔多見, 平日你見叉燒包你個口大少少都可以咬到一個, 但呢到你分左一半都有可能平時一個咁大, 叉燒加醬汁好juicy,就算飽身厚都沒有什麼問題。
最後聽到有糖水出,當然唔放過呢度出名的腰果露同蛋白杏仁茶。
腰果露磨得都算好滑好甜美,而蛋白杏仁茶反而冇乜驚喜, 只能說是前人俾分過高,我覺得普通了,可能是我不懂它的溫柔吧, 我興趣不大,寧願吃多碗燒味飯好過。
不過,今日說過要做隻點水蜻蜓,我想也做到了應有的效果, 杜甫有話:"穿花蛺蝶深深見, 點水蜻蜓款款飛",片刻欣賞,莫誤時機,才是皇道, 今日小聚欣賞的只是表面,或者下次做足功課,多點研究, 不用趕下場的話, 帶一本書來漫漫品茶再欣賞這裡的歷史和點心之美。
當你喜歡舊香港,來就準是沒有錯,你來到便會了解, 那種昔日的香港味,好易感受, 特別當你見到香港越來越不同的時候,你會懷念那種味道的。
頂好海鮮酒家 Very Good Restaurant
尖沙咀彌敦道90-94號
沒有留言:
發佈留言