時光倒流二十年

小時候，我們都以為自己食極唔肥。

小時候，我們都以為自己好唔吸收。

小時候，我們都以為自己吃過不停。

但當膽固醇，癌症，高血壓，脂肪三高都近在咫尺我的時候，我想大概沒有什麼空間可以再吃太多，特別係任飯的場，如果唔係好好食，都不會說吵著要去，當然如market等優質的自助餐則作別論，又或者又平又好食如大喜屋系列我都會放開懷抱吃餐勁。一班朋友那天本身約去旺角碰過面聚下舊同順便燈飾的時候，去得旺角當然想又平又靚，於是問下弟弟，讀書中的人一定有呢類選擇，最後，佢推薦了雅蘭中心的宮崎燒肉。

他說，這是近年他發現又平又靚的燒烤。弟弟還未工作，還有讀書中的他一定以價錢為先，質素在後，但他說兩樣有個極佳平衡點的任食店，於是，今晚便來到了試試味道如何。

呢到有得食任吃燒肉外，如上次吃燒魂一樣，任食的東西，又係分幾大類，和牛，地雞，黑豚肉，刺身，小食，海鮮野菜，炸物，壽司，卷物，應有盡有，二百多元的價錢著實平到笑，

八色燒肉，有紅酒，黑蒜，辛茄，香蔥，千島，胡麻，芭蕉，各有各好味，我最喜歡的是紅酒和黑蒜味。

憤怒火牛仔，個樣真係好唔錯，吃落去個牛肉質素都幾對辦，如果以好似平時抽獎枱獎質素人人有份永不落空，我覺得很不錯。

仙境純情豚，日本岩手縣直送來的豬肉，通常燒肉店都是以牛肉為主角，但這裡的純情豚個look就如來自仙境的人般就未食也先令人有個十分佳的印象，不過，如果說肉的味道來說，牛仔的味道較特別有性格，純情豚就只是外觀較為好罷了。

冰鎮大頭蝦，呢個絕對係好食，放上去煎到整隻蝦都是都係鮮橙色，蝦肉燒完後唔乾唔油而且好彈牙又有無窮彈性，幸好今天我人多勢眾，如果唔係我都唔知係呢幾個主角間可以選多少。

海鮮類我點了牛油半殻帆立貝，清酒白蜆和香烤海蝦，帆立貝每個都獨立用錫紙兜著，帆立貝唔算大粒，但大大舊牛油令佢好難唔好食，清酒白蜆好精緻，如果大隻啲會開心一點，香烤海蝦就因為冰鎮大頭蝦珠玉在前，因此較為失色。

刺身方便有好多種，你平時吃開的都應有盡有，我反而不會吃三文魚玉子那些普通貨色，這類也有不少特別選擇，素鮑，榮螺，希靈魚，甜蝦，味付螺肉都是我選擇的，坦白說，賣相真係唔太好，但大部分選擇的味道都算新鮮，以呢個價錢來說，都算幾抵食。

壽司方面，我唔夠膽食太多，怕吃得太飽，於是我只是選擇了一些精品來吃一下，刺身吃完榮螺知道對辦就叫榮螺壽司，當然是不錯，芥茉三文魚壽司都是我特別喜歡的，呢度都係幾好，那芥茉味辣得狠勁，總共叫了兩次，好的原因係呢度壽司都唔大舊，食多幾件都唔會太飽。

和牛類有黑椒一口牛粒，黑椒薄切牛舌，辣味薄牛，每樣牛的都有不錯的樣子，不過全不夠憤怒火牛仔，但如果你想吃不同種類的牛，呢到好多種類給你選。

野菜方面，選了奶油栗米，新鮮菠蘿是較為清新冇咁肥的食物，食得太多最好就係食下呢啲解下那油膩感。

冰鎮車厘茄，好迷你份量，叫多幾份都冇所謂，鮮甜多汁又係解油膩感之作。

湯烏冬同拉麵就普通了點，愛澱粉質可以一吃。

黑豚肉有豬頸肉，唔同味道嘅薄豚，還有香腸，豚柳片等等，由於多肉，主力都係食和牛肉。

我在想，如果時光能夠倒流二十年，小時候超喜歡吃，不許後果的吃，不用怕新陳代謝的吃，還要常常為荷包著想，我會把這間店放係一個非常重要的位置，起碼我會好像從前成日去創興食任食的年代般，每隔兩個星期就食下，至少這裡格局更舒適，食的東西也是較高檔少少，好過從前去那些劣食邊爐...

如果你現在是停留在你那二十年，不用時光倒流，一於來試下啊，這裡應該給你不少驚喜的。如果你想時光倒流二十年，找回那些年任食的回憶，來回到過去，試著讓故事繼續吧。

 宮崎日式燒肉店 Miyazaki

旺角旺角彌敦道625及639號雅蘭中心地庫B102號舖