這篇食評,我想了很多個題目,而最終,庖丁成為是次今晚的主角。
每次吃自助餐,我都會想起他。 如果你是那個有過去的七十或八十後,你又點會唔識佢,庖丁解牛, 就算你中文會考曾經唔合格, 我相信你也很難忘記佢解牛的輕鬆如音樂般的劏牛技巧。 你讀TSA冇讀過會考唔明我講乜,唔知庖丁係邊個? 那麼你問下有考會考嘅爹地媽咪哥哥姐姐親戚朋友, 佢應該係香港人所認識劏牛個個人。
而家自助餐就好似買選老婆咁,好審慎評估,因為人大了, 自助餐每次都唔夠膽亂食,因為現在太肥,唔想食太多, 而且每次都同自己講,唔好食咁多,但每次都係食到嘔電。 朋友約到入屯門食,原因有三個。
1.呢度做個theme叫做韓日台,三個地方啲野我都好鐘意食
2.有個朋友剛剛食完,佢話好平好抵,一定要食, 以前細個同家人食個都係食到癲。
3.屯門黃金海岸其實好靚, 星期六拍拖或者一班朋友入去可以行下。
好,就入面行下食番個自助餐,難得星期六,食到幾夜都可以, 我們一行四人便來到了聆渢咖啡廳。
來到了,本身同自己話食少少就算,點知,見到個場大到爆, 野食多到爆,我立即想起你,庖丁,莊子話:“以有涯隨無涯, 貽矣”,我知道今晚又係以有涯追無涯, 以有限的胃追吃無限供應的食物,食到傻的一個晚上。
要準備大劈一番,當然要有準備,要打開個胃,一定要食酸前菜, 仲有沙律,還有吃餐前果有助消化
生果有多種,西瓜,士多啤梨,橙,哈蜜瓜,等等,無限供應, 由開頭到尾生果都要幾多有幾多,有誠意之作。
如果說冷盤最普通的,應該就是韓式泡菜冷麵, 沒有平時的爽和辣得起勁,只吃一點便可以。
肥大肉厚紐西蘭青口,是我喜歡的一個必選海鮮項目。
自海鮮站上了癮後,我愛上了翡翠螺,當外面最少要差不多十元粒, 我又點會唔任食番夠本。
對,其實我真係久經訓練個肚又大又小,係見到前菜,沙律,海鮮, 熱盤的室內食物令你已經興奮都好緊要, 誰知原來下半場半面先別有洞天, 那個開放式的自助餐setting叫我目眩。原來part 2才上震撼,如果剛剛庖丁解了牛的前部分, 我想外邊應該就係庖丁解牛的最精彩部分。
呢到除左燒呢幾件好味又好睇的東西外,還有好多值得一試的, 也是日本韓國台灣周圍走。
台式香腸點會少得,條條你有胃口食,我會繼續燒, 還有燒菠蘿襯托。
朱古力吉士甜筒的可愛你更不想吃, 但還是必定是一個你會喜歡的項目。
雪糕有兩種,呢度有兩種,一個係haggen dazs,一個係movenpick,haggen dazs有我想食左好耐的奶茶味,遇到你實在太遲來,好好味, 滑一點的movenpick也是好選擇, 兩個都會叫了受不住誘惑食食食。
食到呢到,之前說那些什麼食少少,完全忘記得一乾二淨, 我就像莊子所說,以有涯隨無涯,貽矣,我的肚子真係貽矣, 飽到傻,可能我就像追求庖丁解牛的技巧, 追求係食自助餐的境界提醒自己食得像庖丁般輕巧...
但係,當美食當前,你估庖丁真係咁易做?
聆渢咖啡廳 Cafe Lagoon
屯門青山公路1號香港黃金海岸酒店低層地下
沒有留言:
發佈留言