這幾天新年假期,由於新買了的黑膠唱片機,我要去信和朝聖, 於是來到了就像馬戲街或者是遊樂園的西洋菜南街。
你有行過呢條街都知乜野事,大約,你是行人都會害怕的街道, 影相、學車、魔術、賣乜都有,要幾熱鬧有幾熱鬧, 如果說上次頂好海鮮酒家人人都會行過, 大概這條街你應該最少行過十次以上而感到煩惱。
但今日,我發現了新驚喜,Sweet Monster。
當我之前看過幾次這爆谷雪糕之混合體之前, 其實之前係instagram已經勁紅, 我都唔知原來就係Izzues下邊,愛爆谷的我, 經過又怎會錯過。
佢有芝士焦糖,焦糖,朱古力,牛奶等爆谷味提供, 你可以就咁買爆谷,但佢夾埋個雪糕好吸引, 於是叫了二合一的焦糖爆谷雪糕。
不用三分鐘便買到心頭好,沒有人龍就已經很快樂, 咁大杯仲只係四十蚊,算幾平。
開頭我還以為係Garrette的爆谷,但有人說妙想天開,也對, 如果係佢嘅出品,應該更貴,premium更高。
不過爆谷都幾甜幾好食,直逼Garrette個出品,比星球更好一點,而雪糕雖然只係普通貨色, 好實好有質感,唔似一啲好流嘅雪糕,水份甚多,遇空氣即溶 。
一個甜品,已經夠我樂透一個下午。
這裡還有很多的雪糕,Tiramisu,特色飲品, 雪糕爆谷交叉感的味道,如果你經過這個亂到不得了的遊樂場, 又夠時間,可以試下,我覺得,自己吃得高興,相機又吃得高興, 下次可以食下芝士焦糖同牛奶。
西洋菜街新開的小吃部,如果你有經過可以試下, 又平又有可以氹下女仔,男仔真係要留意下。
Sweet Monster
旺角亞皆老街8號朗豪坊三層10-19號舖
沒有留言:
發佈留言