找對的麵（上）

有時候，有名的茶餐廳未必一定是樣樣好食。

茶餐廳當然是乜得可以叫，樣樣都唔會差得遠，特別係一些出名到不行的餐廳。

吃早餐，最好就係去茶餐廳，因為有我最愛的什麼特餐早餐之外，有時還有牛奶麥片，呢啲係我最喜歡叫嘅item。

今天元旦三日假後的最後星期日，一起身就已經係十二點，訓得好高興，本身還想去睇早場的我結果變了下午場次。

係旺角睇戲之前當然係呢區食早餐，由於時間都幾趕，剛剛係太子落車的我們，那一刻生死時速，真係唔知食乜。

於是，都係去有保證的茶餐廳食，有人最鐘意食菠蘿油，咁就當然要去金華吧。

上次食過九龍冰室，佢話菠蘿油都係好一點，於是唔去呢度可以去邊。

奇怪的是，坐底後佢先話食麵，於是我嫁雞隨雞，叫了個餐蛋麵。

熱奶茶是這裡的常識吧，茶香絕對是上佳，雖然唔係滑到舌頭都能感受的那種佳績的滑溜，沒有那種溫柔的感覺，是較男人味重的奶茶。

餐餐麵不用五分鐘就到，這應該是茶餐廳的神話，你完全唔明點解可以咁快。

不過，見到佢個一刻，我覺得佢好味極有個限度。

白都如雞湯般的湯，我已經估到佢個麵冇乜個性。

公仔麵還是一般的大光麵，蛋係普通的煎蛋，沒有太陽沒有炒蛋，只是最簡單的入門檻，餐肉係好普通咁煮熟，舌頭和肉眼告訴我，佢地冇煎過件餐肉。

當農場牛奶公司，華記士多，裕興大排檔三個我心中最好的餐蛋麵食完又食之後，我有點後悔我竟然叫了呢個選擇。

畢竟這裡出名係菠蘿油，叫乜野麵，雖然我對面兩個大陸人看完點評網然後叫了那個炒一丁賣相非常出色，但似乎湯麵的水準差好遠，對，就如你叫小儀show長腿一樣。

另外叫了的雪菜肉絲麵，也不錯，不過當然沒有昌記和樂園好，但好過餐蛋麵好多。

雖然我想食其他野消愁，但最後都沒有叫菠蘿油，因為趕時間睇戲。

找對的麵，還是要去對的地方，是對的終於會碰到，是錯的不管再美好，個菠蘿油就算幾好，來到了都唔好叫餐蛋麵，這個喊麵，是屬於這類的餐蛋麵。

我很久沒有連自己碗麵都食唔哂。

金華冰廳 Kam Wah Cafe

太子弼街47號地下