每人也有廿四小時,大家唔係生出來就含有鐘係個口裡面, 你屋企點有錢點叻點勁你都係得廿四小時。
人大了,過了三十而立之後,時間的確越來越少, 吃餐飯如果要排隊,而地點又不是超級就腳, 絕對係用時間用錢用心機。如果碰巧餐廳不是想像般,你會叫笨, 有時候,點運用時間絕對係一門學問,做一個經濟學人, 你要識選擇。
曾經,當咖啡弄在香港剛流行之時,居廬剛剛在太子打出了名堂, 那時候打入十大是自然的事,型男潮女,為左那杯美麗的拉花, 幾多人排到傻痴痴,當時,地點,時間,人物都不對, 結果我沒有去過,熱潮過左,連咖啡弄都已經不是熱潮了, 但是居廬還在我的口袋裡面,久久不能忘懷。
經濟學的理論,早吃早享受,遲吃輸兩舊, 開幕了一個星期的居廬我大概也遲了, 首名寫食評的入球員當真不易做,早因不代表夠早寫食評吧,不過, 幸好當時我沒有跟風排隊,記得當時網友說, 為了呢個鬆餅和拉花咖啡,排了幾多小時的隊, 如果以經濟學人的角度來說,當時排完真係會有點蠢, 媽媽是經濟學人的極致,佢會說,食左會飛咩, 結果係不知道哪一天會飛,等到今天,不用排隊直入, 我覺得賺左好多好多。
紫薯拿鐵,其實之前試過紫薯的飲品都不是人人會接受, 不過您係我黎到前已經叫左,無辦法,不過, 呢杯又沒有甜得非常過份,我會喜歡這杯較平易近人的紫薯拿鐵。
意式蘑菇辣肉腸薄餅,從來不喜歡厚的薄餅, 薄薄的薄餅卻滿佈了好多的蘑菇和辣肉腸,份量十足, 唔知係因為我特肚餓定係乜野原因,我覺得個薄餅非常好食, 有點像那間什麼連鎖的手工pizza。
龍蝦汁海鮮扁意大利粉,呢個樣子都算幾精美,價錢吸引, 同一般甜品相比,佢已經係有不錯的水準。 又係我喜歡的扁意大利粉,龍蝦汁不是那些求其的質素, 不像一些汁還汁,意粉還意粉,而兩樣都做得不好的店也比比皆是。 海鮮有蝦有魷魚有青口,雖然唔係好多種海鮮,但絕對是有誠意, 係呢個場,我覺得呢個味道絕對合格有餘。
草莓鬆餅是這裡的主角吧,呢個由咖啡弄開發起的潮流, 絕對係女士的必然選擇。
鬆餅鬆化,剛剛來的時候是吃的最佳時刻,邊脆內軟,配上雪糕, 草莓一起吃的時候,那是無得輸的組合。
當然,今日我不用排隊, 就可以享受到呢個草莓鬆餅更加係贏得光彩, 起碼我當時沒有隨潮流排隊而用多了時間, 今日還可以吃到舒適地吃到本地的咖啡弄version鬆餅( 新店剛開,客人不多), 我想如果你係fans絕對可以再來吃一些餐單上的新東西, 如果你未來過居廬, 我覺得你絕對可以來和我一起做過50分鐘的經濟學人。
居廬 Take a Break Cafe
土瓜灣北帝街147號地舖
沒有留言:
發佈留言