再一次想你

上次吃過holiday inn的自助餐後，大概也沒有想過咁快又會再來，最高興係，朋友會因為你的推薦而去你去過的餐廳食飯，看到他們為你的推薦而感到高興，也是我寫下去的原因，特別係近年我識的一些較年輕的朋友，如我弟弟，他們有quota，不怕愛，又愛吃，因為佢地，連近年少吃自助餐的我也會不怕肥，食就食，寫就寫。

今晚一班朋友吃飯，席上有幾位好食得的年輕人，仲要係女仔，選擇的是今年吃過一次，多野食而又十分喜歡的bistro on the mile 。

記得上次食飯說過呢度宵夜好平好抵食，不過，由於太夜的關係，無理由要為左呢樣野而遷就食飯時間，而且其主題海鮮餐太過精彩，知道十一月又有新的搞作，朋友叫到二話不說便再來大吃一番，尋回再一次想你的味道。

生蠔是這裡最精彩的項目，基本上你像我弟弟可以食一打半的話，你應該已經值回票價，絕對贏到笑。

十一月的主題，每個客人會送原隻鮑魚撻、火熖阿拉斯加蟹腳及扒加拿大帶子一客。開頭我沒有什麼特別Preference，以為這是普通的貨色，畢竟每位都送令我沒有什麼期望，但係唔食唔知，火熖阿拉斯加蟹腳是勁好吃的肥美，大大隻腳的蟹肉絕對是燒得又香又濃味，同凍食各有各好。加拿大帶子又係大大粒，絕對不是送就將貨就價。

燒豬手大大舊係度任你食，你有幾多位就食幾多，豬手皮脆肉又燒得勁香，對比牛扒和火腿，呢個真係好好食，絕對要一試。

刺身絕對係必選的項目，甜蝦鮑魚片鱆紅魚八爪魚呑拿魚三文魚都中規中矩，要多少有多少。還有蝦呀，青口呀，長腳蟹呀，任你食的海鮮天堂。

野葛菜羅漢果煲生魚，上次我很喜歡的一個湯，足料又夠火喉，你又點可以唔飲。

蟹為主題的晚上，阿拉斯加蟹肉粥，呢個又係好正，大大隻的蟹腳，粥底綿綿，不能自拔吃了一碗。

加幾十蚊有任飲橙汁，當然要喝番夠本。

呢度嘅天婦羅上次食嘅時候冇乜幫襯，今次見到外表好靚，吃完後，便知不會後悔，少油唔肥膩，特別係大蝦天婦羅。

炸帶子配橙味汁，新鮮配搭，還有日式麵豉燒雞，咖哩烤魚，阿拉斯加蟹肉扒西蘭花，忌廉莧菜都係好吃之選，還有以蟹為主的阿拉斯加蟹肉蕃茄長通粉，開胃又好食，不過真係唔好食太多，唔係少左戰鬥力。

我係草食男，最喜歡食菜，呢度煮粉嘅檔口有好多菜可以選擇，西蘭花，韮菜花，芥蘭，菜心，娃娃菜，生菜乜都有，草食的人有福了。

沙律也是就好多種，菜類蕃茄菇類乜野沙律汁都有，是少見的多元化，是這類的一個特色，還有喜歡那個蘋果沙律，料足而不求其，另外前菜的煙三文魚又係肥美到不行。

今次調返轉，之後先食生野，當然不會放過今晚蟹的主題啦，麵包蟹絕對是不可能錯過的，蟹大隻而蟹膏非常豐盛，又係食幾隻殻都回本。

阿拉斯加蟹肉多士同阿拉斯加蟹肉木瓜，精美而又好吃，女仔怕肥吃呢啲都可以享受蟹肉的興奮。

鮑魚紅酒梨串，上次沒有吃過呢個菜式，鮑魚不是大大隻那種，但我吃到停唔到口。

最後可以吃很多的生果，還有甜品，太過貪心的我吃太多鹹食，於是只吃了芝士餅和朱古力蛋糕，還有綠茶泡芙，也不錯，我恨我不是女人，有多個肚吃甜食。

最後來一杯dilmah的English breakfast tea，今晚又係滿足，如果以幾百元可以食到咁有質素而又海鮮多到差不多貫穿全晚的排頭，點會可以唔試下呢。

Bistro on the Mile

尖沙咀彌敦道50號金域假日酒店1樓